Roma 12:13 - Lalang Hu Dios

¹³ Buligi nuy haena sa tagkalised-lised ha tumutuu daw tanula nuy sa mga langyaw.

Roma 12:13 ပူးပေါင်းရင်းမြစ်များ

Mateo 25:35

Ta su mauhul a impakaen a inyu daw su malauwan a impainum a daan inyu. Su langyaw a diyan impaseled a inyu duun hu balay nuy

Mga Buhat 10:4

Inahà din haena ba agkahaldekan duun dayun ininsaan din, “Ginuu, inu man?” Tuminubag su balinsuguen, “Sa pag-ampù nu daw sa pagbulig nu hu taglised harì agkalipatan hu Dios.

Mga Buhat 4:35

inamul dan duun hu mga apustulis. Dayun binahin-bahin sumalà hu kinahanglanen hu kada sabuwa kandan.

Roma 12:8

Sa agpakahimu hu pagdasig hu duma din maniguru daan hu pagbuhat taena. Sa pakabulig pinaagi hu pag-ila kinahanglan ha magkalalagan. Saena ha agalen hu mga tumutuu kinahanglan ha maniguru gayed daan hu katengdanan din. Saena ha amin din kahid-u hu taglised kinahanglan ha mulig duun ha malipayen gayed.

1 Corinto 16:15

Natun-an nuy en ha sa pamilya hi Estefanas iyan nauna ha nakatuu diyan ta prubinsya ta Acaya daw intugyan dan sa kaugalingen dan duun hu pagbulig hu mga tumutuu.

2 Corinto 9:1

Harì en kinahanglan ha sulatan ku pa inyu mahitenged hu pagbulig hu taglised ha mga tumutuu

2 Corinto 9:12

Sa mga amut nuy makabulig en gayed hu mga kinahanglanen hu mga tumutuu. Kenà iyan dà hayana ta madakel pa sa magpasalamat duun hu Dios.

Galacia 6:10

Aman duun hu bisan inu ha higayun buhaten taw sa maayad duun hu bisan sin-u labi en duun hu suled taw hu pagtuu.

1 Timoteo 3:2

Ba kinahanglan ha hurà ikasaway kandin daw sabuwa dà sa igbahi din, tagpugung gayed hu kaugalingen daw matinahuren, maalima hu mga langyaw daw matatau gayed hu pagtudlù,

1 Timoteo 5:10

Nakilala en ha maayad sa mga buhat din ta inalimahan din gayed sa mga batà daw matanul daan hu mga langyaw, mapainubsanen pagbulig hu mga tumutuu daw agbuligan din daan sa taglised daw iyan din dà gayed tagbuhaten sa maayad.

Tito 1:8

Ba kinahanglan ha matanul gayed hu langyaw, babayaen din sa pagbuhat hu maayad, maligdeng, matareng, mahimpit daw tagpugung daan hu kaugalingen din.

Tito 3:14

Tudlui nu sa mga etaw ha maniguru sidan magbuhat hu maayad ta daw mabuligan dan haena sa taglised. Ku buhaten dan haena mapuslanen gayed sidan.

Filemon 1:7

Suled ku, adagi gayed sa kalipay ku daw nakadasig daan kanak su mapaliman ku sa pagpalanggà nu hu alan ha mga etaw hu Dios diyan daw sa pagdasig nu kandan.

Hebreo 13:16

Harì nuy agbay-ani sa pagbuhat hu maayad daw sa pagkakalalagan ta iling haini hu halad ha agkabayà-bayaan hu Dios.

Hebreo 13:2

Harì nuy agbay-ani sa pagdawat hu mga langyaw ta sa duma taena kan ku hurà nuy kakilala ba balinsuguen man diay hu Dios.

Hebreo 6:10

Sa Dios matareng gayed aman harì din aglipatan sa mga maayad ha binuhat nuy daw sa pagpalanggà nuy kandin ha nadayag pinaagi hu pagbulig nuy hu mga tumutuu ha sigi nuy pa tagbuhaten iman.

1 Pedro 4:9

Magpatanul-tanulà kaw ha hurà pagtamudmud.

1 Juan 3:17

Bisan sin-u sa amin din ngaay pakabulig taena ha duma din ha taglised ba hurà din kahid-u duun, saena hurà din gayed pagpalanggà ha agkapuun duun hu Dios.

3 Juan 1:5

Pinalanggà ku ha suled, maayad tungkay sa pagtanul nu hu mga suled taw ha tumutuu bisan ku langyaw sidan diyan.