Roma 10:19 - Lalang Hu Dios

¹⁹ Agpakasabut gayed ngaay sa mga kaliwatan hi Israel taena ha tultulanen ta natun-an dan en sa lalang hu Dios pinaagi ki Moises su anay ha tagyanaen, “Agluwasen ku sa kenà ku mga etaw ta daw masina kaw daw agkahid-uwan ku sidan sa hurà makakilala kanak ta daw mangapauk kaw sinyu sa mga etaw ku.”

Roma 10:19 ပူးပေါင်းရင်းမြစ်များ

Roma 10:18

Hurà ba diay makapaliman sa mga Judio taena ha tultulanen? Nakapaliman en sidan ta sa lalang hu Dios tagyanaen, “Sa tultulanen napaliman en duun hu bisan hindu dini ta kalibutan.”

Roma 11:11

Ku sa kadakelà hu mga Judio hurà gayed tuu isalikway en ba gayed sidan hu Dios duun hu hurà din katapusan? Harì daan ta pinaagi hu pagpamalibad dan iyan iman paagi ha maluwas sa kenà mga Judio ta daw madasig daan sa mga Judio dayun pinaagi taena tumuu daan sidan.

Roma 11:14

ta daw madasig daan sa mga duma ku ha Judio daw pinaagi taena maluwas daan sa duma kandan.

Roma 3:26

ba iman pinaagi hu kamatayen hi Cristo Jesus tumenged hu mga salà taw nadayag sa Dios ha matareng gayed daw ag-isipen din daan ha matareng sa agtuu ki Jesus.

1 Corinto 1:12

Sa duma inyu tag-ikagi ha sumusunud hi Pablo daw sa duma na ki Apollo, amin daan tag-ikagi ha sumusunud hi Pedro daw sa duma na ki Cristo.

1 Corinto 10:19

Igpasabut ku iman inyu ha hurà pulus hu larawan daw hu inhalad duun hu mga diyus-diyus,

1 Corinto 11:22

Imbà nuy tagtameyesa sa mga tumutuu diyan daw imbà nuy agpagagayhai sa mga makaluluuy? Abi nuy gid ha dayeen ku inyu taena ha buhat nuy. Maayad pa ngaay ku diyà kaw dà agkaen ta balay nuy.

1 Corinto 12:2

Natun-an nuy ha su anay ha kenà kaw pa tumutuu nauwit kaw hu pagsunud taena ha mga diyus-diyus ha hurà din gahem daw tumenged taena nangalaag kaw.

1 Corinto 15:50

Mga suled, ag-ikagiyen ku inyu ha saini ha lawa taw iman harì makaseled duun hu tagharian hu Dios ta agkaledak dà.

1 Corinto 7:29

Mga suled, sa henà-henà ku iyan haini. Tumenged ta mababà dà sa panahun sinyu sa amin din asawa kinahanglan ha sa buluhaten hu Dios ipalabaw nuy gayed.

Tito 3:3

Bisan su anay mga buang-buang ki daan, masinupaken ha nalaag duun hu kamatuuran, nabuhat ha ulipen taena ha kabayà ta hu bisan inu ha madaet daw kalibutanen ha kalipayan. Dayun dà madaet sa henà-henà ta duun hu duma daw amin ta kasina, sigi ta tagkuntrahen sa mga etaw daw kuntra ki daan kandan.

1 Pedro 2:10

Su anay kenà kaw kandin ha mga etaw daw hurà nuy katun-i sa kahid-u din inyu, ba iman mga etaw kaw en kandin tumenged hu kahid-u din.