Roma 1:5 - Lalang Hu Dios

⁵ Pinaagi kandin in-ila kanay hu Dios sa katenged hu pagkaapustul ta daw madayè si Cristo Jesus. Binuhat din haena ta daw matudluan day sa kenà mga Judio duun hu bisan hindu dayun tumuu daw magmatinumanen sidan kandin.

Roma 1:5 ပူးပေါင်းရင်းမြစ်များ

Juan 1:16

Tumenged ta maluluy-en gayed harì agkapangkus sa pag-ila din kanuy hu mga panalangin.

Mga Buhat 1:25

ha iyan makailis ki Judas ha apustul ta inawaan din haena sa katengdanan daw duminuun hu dapit ha angay kandin.”

Mga Buhat 15:14

Inikagi en kanuy hi Simon Pedro ku pig-inu-inu hu Dios ha makatuu sa kenà mga Judio ta daw amin daan diyà ta kandan makasunud hu Dios.

Mga Buhat 6:7

Aman nakalekep sa lalang hu Dios daw migdakel gayed sa mga tumutuu diyà ta Jerusalem daw madakel daan sa mga sinaligan hu paghalad ha tuminuu ki Jesus.

Mga Buhat 9:15

Ba inikagiyan hu Ginuu si Ananias, “Dumiyà ka ta pinilì ku haena hu pagpanunultul mahitenged kanak duun hu mga etaw ha kenà Judio daw hu mga harì daw hu mga kaliwatan hi Israel.

Roma 12:3

Tumenged hu in-ila kanak ha katenged ag-ikagiyan ku inyu alan ha harì kaw maghenà-henà ha labaw kaw dì hu laus ha kahimtang nuy iman, ba kinahanglan ha mahustu sa henà-henà nuy mahitenged hu kaugalingen nuy sumalà hu katatau ha in-ila hu Dios duun hu kada sabuwa inyu.

Roma 16:26

ba iman impadayag en pinaagi hu mga insulat hu mga prupita. Tumenged hu insugù hu hurà din kamatayen ha Dios insangyaw en haini iman duun hu alan ha kaet-etawan dini ta kalibutan ta daw tumuu sidan daw magmatinumanen kandin.

Roma 3:29

Sa Dios kenà kandin dà hu mga Judio ba Dios daan hu kenà mga Judio

1 Corinto 15:10

Ba pinaagi hu grasya hu Dios nabuhat a ha apustul daw sa grasya ha in-ila din kanak amin din gayed pulus. Ta bisan pa iman labaw sa nabuhat ku dì hu duma, ba kenà a iyan migbuhat taena ta pinaagi dà hu grasya hu Dios kanak.

1 Corinto 9:2

Bisan pa ku kagi hu duma ha kenà a apustul ba makaikagi kaw ha apustul a gayed ta natun-an nuy haini ha pinaagi kanak nakatuu kaw duun hu Ginuu.

Efeso 1:12

Aman pinaagi kanay, sikay sa nangauna ha tuminuu ki Cristo madayè gayed sa pagkagamhanan hu Dios.

Efeso 1:6

Aman dayeen gayed sa Dios tumenged hu adagi ha grasya ha in-ila din kanuy pinaagi hu pagpakigsabuwa taw hu pinalanggà din ha Batà.

Hebreo 5:9

Su madayag en sa pagkahimpit din nahimu haena ha Manluluwas ha iyan tag-ila hu kinabuhì ha hurà din katapusan duun hu alan ha matinumanen kandin,