Roma 1:11 - Lalang Hu Dios

¹¹ ta agkabayà a hu pagpakig-ahà inyu ta daw pinaagi hu Balaan ha Ispiritu mabigelan ku sa pagtuu nuy.

Roma 1:11 ပူးပေါင်းရင်းမြစ်များ

Mga Buhat 16:5

Tumenged taena nalig-enan sa mga tumutuu duun hu pagtuu dan daw migdakel sidan ta kada aldaw agkaisaban sidan sa mga tumutuu.

Mga Buhat 19:21

Su maiwas haena nakahenà-henà si Pablo ha umagi diyà ta Macedonia daw ta Acaya daw dayun diyà ta Jerusalem. Uminikagi pa, “Ku maiwas haena agdiyà a pa daan ta Roma.”

Mga Buhat 19:6

Dinampà hi Pablo sa ulu dan dayun inulinan sidan hu Balaan ha Ispiritu. Nakaikagi sidan hu harì dan agkasabut ha mga inikagiyan daw insaysay dan daan sa igpaikagi hu Dios.

Roma 1:12

Ba kenà haena iyan dà ta makagdinasigà kuy gayed duun hu pagtuu taw.

Roma 15:23

Ba iman ha napengahan kud en sa mga buluhaten ku duun hu mga banuwa dini daw tumenged ta nalugay en sa kabayà ku hu pagdiyan,

Roma 15:29

daw natun-an ku ha ku makadiyan a adagi gayed sa panalangin kanuy hi Cristo.

Roma 15:32

ta ku iyan pagbayà hu Dios makadiyan a ta inyu ha malipayen daw madasig a daan ku maahà ku inyu.

Roma 16:25

Sa Dios iyan pakapalig-en hu pagtuu nuy pinaagi hu Maayad ha Tultulanen mahitenged ki Cristo Jesus ha insangyaw ku ha inlilung su anay

2 Corinto 1:15

Tumenged ta nasiguru ku gayed ha iyan haini mahitabù nahenhenaan ku su anay ha dumiyan a ta inyu ta daw maisaban ku dà inyu mabuligan.

2 Corinto 1:21

Sa Dios iyan tagdasig kanuy ta daw malig-enan sa pagtuu taw ki Cristo. Iyan haena migpilì kanuy

2 Corinto 11:4

Ta ku amin makadiyan ta inyu ha lain en sa kandin ha pagtudlù mahitenged ki Jesus dì hu kanay daw lain en daan sa ispiritu ha ipaulin diyan ta inyu daw ku isangyaw din sa Maayad ha Tultulanen ha lain en daan dì hu kanay ha insangyaw, madalì kaw en dumawat taena.

2 Corinto 9:14

Pinaagi taini palanggaen kaw kandan daw mag-ampù sidan inyu tumenged hu adagi ha grasya ha in-ila inyu hu Dios.

Filipos 1:8

Natun-an hu Dios ha agkabulung a gayed ta sa pagpalanggà ku inyu agkailing daan hu pagpalanggà inyu hi Cristo Jesus.

Filipos 2:26

Agkabulung en inyu daw nabugus daan tumenged ta napaliman nuy ha nadaluwan.

Filipos 4:1

Iman mga suled, pangesegi gayed sa pagtuu nuy hu Ginuu sinyu sa pinalanggà daw agkabulungan ku tumenged ta iyan kaw iman igkabayà-bayà ku daw iyan kaw daan bales hu buluhaten ku.

1 Tesalonica 3:13

daw ipalig-en din daan sa pagtuu nuy ta daw mahimpit kaw daw hurà ikasaway inyu duun hu atubangan hu Dios ha Amay ku lumikù asem si Jesus ha Ginuu taw duma hu alan ha mga etaw din.

1 Tesalonica 3:2

Ba si Timoteo sa suled taw duun hu pagtuu daw suluguen hu Dios ha tagsangyaw daan hu Maayad ha Tultulanen mahitenged ki Cristo igpadiyan day gayed ta inyu ta daw malig-enan din sa pagtuu nuy en daw magdasig daan inyu

2 Tesalonica 3:3

Ba sa Ginuu agkasaligan gayed ha iyan makapabis-ay daw magbantay inyu ta daw harì kaw madaeg hi Satanas.

Hebreo 13:9

Harì kaw magpalimbung hu migkalain-lain ha katudluanan. Sa makapadasig kanuy iyan dà gayed sa grasya hu Dios kenà pinaagi hu harì pagkaen hu mga kalan-enen, ta sa pagtuman taena harì daan makapaayad kanuy.

1 Pedro 5:10

Ku mapengahan sa mababà ha mga alantusen sa Dios maghimpit inyu daw makapalig-en hu pagtuu nuy ta daw harì kaw madaeg hu bisan inu, ta sa Dios tag-ila hu grasya daw iyan mighimu inyu ha tumutuu ta daw makaambit kaw duun hu hurà din katapusan ha pagkagamhanan hi Cristo.

1 Pedro 5:12

Si Silas sa kasaligan ha suled ku migbulig kanak hu pagsulat taini ta daw madasig ku inyu duun hu pagtuu daw matun-an nuy ha iyan haini laus ha grasya hu Dios. Aman paniguruwan nuy haini.

2 Pedro 1:12

Aman agsublien ku dà sa pag-ikagi inyu bisan ku natun-an nuy en haini daw malig-en kaw en gayed duun hu kamatuuran.