Mga Buhat 9:40 - Lalang Hu Dios

⁴⁰ Ba impaguwà sidan hi Pedro dayun luminuhud haena hu pag-ampù. Sumininalu duun ku minatay daw ikagi, “Tabita, bangun ka.” Guminimata si Dorcas na su maahà din si Pedro mininuu dayun.

Mga Buhat 9:40 ပူးပေါင်းရင်းမြစ်များ

Mateo 6:6

Ku mag-ampù kaw dumuun kaw hu lugar ha hurà makaahà inyu daw mag-ampù kaw duun hu Dios ha Amay nuy ha harì nuy agkaahà. Dayun sa Dios ha pakaahà hu alan iyan en magbales inyu.

Mateo 9:25

Su maman-awà en su mga etaw sumineled si Jesus daw ibiti sa alima ku batà aman nakabangun haena.

Marcos 9:25

Su maahà hi Jesus ha ag-agpas en diyà ta kandan sa madakel tungkay ha mga etaw binaldeng din su busaw ha tagyanaen, “Sikaw sa pakaemaw daw pakabengel ha busaw, awà ka diyan daw harì kad en aglikù.”

Lucas 22:41

Dayun si Jesus migpadiyù-diyù ta kandan daw luhud ha mig-ampù,

Lucas 8:54

Ba inibitan hi Jesus sa alima ku batà daw ikagiyi, “Sikaw sa batà, bangun kad.”

Mga Buhat 20:36

Su maikagi en haena hi Pablo luminuhud sidan alan daw mag-ampù.

Mga Buhat 21:5

Ba su mauma en sa panahun ha aghipanaw kay en sa alan ha mga tumutuu duma hu mga pamilya dan nanulud kanay diyà ta dagat. Diyà ta baybay taena namanluhud kay daw mig-ampù.

Mga Buhat 28:8

Duun taena agkagenaw daw agsakit sa getek hu amay hi Publio aman inelegan hi Pablo daw dinampà din haena daw ampui dayun naulian.

Mga Buhat 7:60

Dayun luminuhud daw minikagi hu madaging, “Ginuu, harì nu ag-isipa ha salà dan haini.” Su maikagi din en haena minatay dayun.