Mga Buhat 9:32 - Lalang Hu Dios

³² Pig-eleg-elegan hi Pedro sa migkalain-lain ha banuwa hu pagbisita hu mga tumutuu diyà. Su makauma diyà ta Lida

Mga Buhat 9:32 ပူးပေါင်းရင်းမြစ်များ

Mateo 27:52

Sa mga liyang ha panlebengà nangapuwaan daw amin nangabanhaw ha mga etaw hu Dios.

Mga Buhat 1:8

Ba gaheman kaw hu Dios ku maulinan kaw en hu Balaan ha Ispiritu daw iyan kaw gayed makapanunultul mahitenged kanak dini ta Jerusalem daw duun hu alan ha banuwa diyà ta Judea daw ta Samaria daw dini ta tibuuk ha kalibutan.”

Mga Buhat 26:10

Iyan haini binuhat ku su anay diyà ta Jerusalem ta sa mga labaw ha sinaligan hu paghalad mig-ila kanak hu katenged ha pamurisuwen ku sa mga tumutuu daw ku amin aghimatayan ag-uyun a daan.

Mga Buhat 8:14

Su mapaliman hu mga apustulis diyà ta Jerusalem ha tuminuu hu lalang hu Dios sa mga taga-Samaria impadiyà dan si Pedro daw si Juan.

Mga Buhat 8:25

Su makapenga sidan manunultul hu lalang hu Dios luminikù si Pedro daw si Juan diyà ta Jerusalem daw migsangyaw hu Maayad ha Tultulanen duun hu naagiyan dan ha mga banuwa diyà ta Samaria.

Mga Buhat 9:13

Ba si Ananias tuminubag, “Ginuu, napaliman kud en duun hu madakel ha mga etaw sa madaet ha tultul mahitenged kandin ta pigpasipalahan din sa mga tuminuu ikaw diyà ta Jerusalem.

Mga Buhat 9:33

naahà din sa etaw ha tagngaranan ki Eneas ha minatay en sa dibaluy ha lawa din daw bà dà taghidegaay seled hu walu en ha tuig.

Mga Buhat 9:41

Aman inibitan hi Pedro sa alima din daw ipahitindeg. Inumaw hi Pedro su mga balu ha bahi daw sa duma ha mga tumutuu daw impaahà din kandan si Dorcas sa nabanhaw en.

Roma 1:7

Sinulatan ku inyu sa diyan ta Roma ha mga pinalanggà hu Dios daw hinimu din ha mga etaw din. Sa Dios ha Amay taw daw si Cristo Jesus ha Ginuu mag-ila inyu hu grasya daw kalinaw.

Efeso 1:1

Iyan a si Pablo sa pinilì hu Dios ha apustul hi Cristo Jesus sa migsulat taini. Sinulatan ku inyu sa mga etaw hu Dios diyan ta Efeso ha mga matinumanen ki Cristo Jesus.

Filipos 1:1

Iyan a si Pablo sa migsulat taini duma ki Timoteo sa mga suluguen hi Cristo Jesus. Sinulatan day inyu sa mga etaw hu Dios pinaagi hu pagpakigsabuwa nuy ki Cristo Jesus diyan ta Filipos daw sa mga agalen nuy daw sa mga diyakunu.