Mga Buhat 9:27 - Lalang Hu Dios

²⁷ Ba dinumahan hi Bernabe si Saulo duun hu mga apustulis daw tinultulan din sidan hu naul-ulahan hi Saulo diyà ta dalan ha naahà din sa Ginuu daw sa pakiglalang hu Ginuu kandin daw sa kabalaw din hu pagtudlù mahitenged ki Jesus diyà ta Damasco.

Mga Buhat 9:27 ပူးပေါင်းရင်းမြစ်များ

Mga Buhat 11:22

Saena ha tultulanen napaliman hu mga tumutuu diyà ta Jerusalem aman impadiyà dan si Bernabe ta Antiokia.

Mga Buhat 11:25

Dayun duminiyà si Bernabe ta Tarso hu pagpan-ahà ki Saulo.

Mga Buhat 12:25

Su mapengahan hi Bernabe daw hi Saulo sa buluhaten dan diyà ta Jerusalem luminikù sidan diyà ta Antiokia daw dinuma dan si Juan ha tagngaranan daan ki Marcos.

Mga Buhat 13:2

Amin aldaw ha suminalang sidan hu pagkaen ta daw harì maelangan sa pagsimba dan hu Dios. Inikagiyan sidan hu Balaan ha Ispiritu, “Pilia nuy si Bernabe daw si Saulo ta amin buluhaten ha intagana ku kandan.”

Mga Buhat 15:2

Aman si Pablo daw si Bernabe nakigsawalà gayed taena ha mga etaw. Su harì en sidan agkahusay pinilì si Pablo daw si Bernabe daw sa duma ha mga tumutuu ha dumiyà ta Jerusalem duun hu mga apustulis daw hu mga agalen hu mga tumutuu diyà mahitenged taena ha pigsawalaan dan.

Mga Buhat 4:13

Su maahà hu mga agalen ha si Pedro daw si Juan harì gayed agkahaldek hu pag-ikagi nangabeleng sidan ta natun-an dan ha hurà haena makatunghà. Ba nahenhenaan dan ha nakagduma-duma haena ki Jesus.

Mga Buhat 4:29

Iman Dios ha Magbabayà hu alan, napaliman nu sa mga hulgà dan kanay ba himuwa kay ha makapanunultul gayed hu lalang nu ha hurà day kahaldek.

Mga Buhat 4:36

Sa sabuwa kandan iyan sa kaliwat hi Levi ha taga-Cipro ha tagngaranan ki Jose ba pigdagnayan hu mga apustulis ki Bernabe ta sa kahulugan taena Tigdasig.

Mga Buhat 9:17

Aman si Ananias duminuun taena ha balay. Su makaseled en dinampà din si Saulo daw ikagiyi, “Suled ku ha Saulo, si Jesus ha Ginuu ha natalagbù nu diyà ta dalan su tagdini ka sinugù a kandin dini ta daw makaindan ka daw ulinan ka hu Balaan ha Ispiritu.”

Mga Buhat 9:29

Hurà din gayed kahaldek hu pagpanunultul mahitenged hu Ginuu. Nakigsawalà daan taena ha mga Judio ha Griego sa inikagiyan dan aman agkabayaan dan en ngaay haena aghimatayi.

1 Corinto 15:8

Iyan a hudiyan ha nakaahà kandin bisan ku iling a hu imbatà ha hurà pa kaebes

1 Corinto 9:6

Iyan kay dà ba diay ki Bernabe magtrabahu ta daw kay mauyag?

Galacia 2:13

Sa duma ha mga Judio nangiling-iling daan kandin ha migpasibù-sibù daw bisan si Bernabe nakalagkes pa daan.

Galacia 2:9

Si Santiago, si Pedro daw si Juan kinilala ha mga agalen, ba su matun-an dan en ha in-ila kanak hu Dios sa katenged ku nakigsabuwa sidan kanay ki Bernabe duun hu buluhaten hu Dios daw mig-uyun kay ha siak daw si Bernabe dumuun kay hu kenà mga Judio daw sidan dumuun daan hu mga Judio.