Mga Buhat 8:31 - Lalang Hu Dios

³¹ Tuminubag su upisyal, “Harì ta hurà man tagtudlù kanak.” Aman hinangyù din si Felipe ha lumulan daan duun ku kalisa.

Mga Buhat 8:31 ပူးပေါင်းရင်းမြစ်များ

Marcos 10:15

Laus gayed sa ag-ikagiyen ku inyu ha sa harì agkabayà ha pagharian hu Dios iling hu pagtuu taini ha batà saena harì pagharian hu Dios.”

Mga Buhat 8:30

Aman uminagpas uminubay si Felipe daw napaliman din ha tagbasa haena sa upisyal ku insulat hi Isaias sa prupita. Dayun ininsaan din haena, “Agkasabut nu ba hayana sa tagbasahen nu?”

Mga Buhat 8:32

Sa lalang hu Dios ha tagbasahen ku upisyal iyan haini, “Iling haena hu karniru ha harì ag-iyagak ku ag-iyawen daw iling daan hu nati hu karniru ha mahagteng ku agtabulugen.

Roma 10:14

Ba in-inuwen man hu mga etaw sa pagpabulig ki Cristo Jesus ku hurà dan pa haena tuuwi? Daw in-inuwen dan man sa pagtuu taena ha hurà dan pa kapaliman? In-inuwen dan man daan sa pagpakapaliman taena ku hurà magpanunultul kandan?

1 Corinto 3:18

Harì nuy aglimbungi sa kaugalingen nuy. Ku amin inyu taghenà-henà ha matatau gayed kinahanglan ha isipen din haena ha hurà din pulus bisan ku ikagiyen hu mga etaw ha buang-buang. Ku buhaten din haena mabuhat ha matatau gayed ha etaw.

1 Corinto 8:2

Saena ha taghenà-henà ha matatau en hurà din pa katun-i sa laus ha kaalam.

Santiago 1:10

Daw sa sapian ha tumutuu malipayen daan ha hurà din makapasigalbu, ta matay dà haena iling hu bulak

Santiago 1:21

Aman endai sa alan ha mahugaw daw sa mga madaet ha iyan tagpasulabi diyan ta inyu, daw pinaagi hu pagpaubus dawata nuy sa lalang hu Dios ha intudlù inyu ta iyan haena makaluwas inyu.