Mga Buhat 7:25 - Lalang Hu Dios

²⁵ Abi din ha natun-an en hu mga duma din ha aglibriyen sidan hu Dios pinaagi kandin ba hurà dan haena katun-i.

Mga Buhat 7:25 ပူးပေါင်းရင်းမြစ်များ

Marcos 9:32

Ba hurà dan kasabut sa kahulugan taena ha inikagi din daw nahaldek daan sidan hu pagpanginginsà kandin mahitenged taena.

Lucas 18:34

Hurà gayed kasabut hu mga tinun-an din haena sa inikagi hi Jesus ta sa kahulugan taena nakalilung diyà ta kandan aman hurà dan katun-i ku inu sa tagsubayen din.

Lucas 9:45

Ba hurà dan katun-i sa kahulugan taena ha inikagi din ta inheles haena kandan ta daw harì dan pa masabut, daw nahaldek daan sidan hu pagpanginginsà ki Jesus mahitenged taena.

Mga Buhat 14:27

Su makauma sidan diyà inamul dan sa alan ha mga tumutuu daw tultuli hu alan ha binuhat hu Dios pinaagi kandan daw ku inu sa paagi ha binuhat din ta daw makatuu sa kenà mga Judio.

Mga Buhat 15:4

Su makauma en sidan diyà ta Jerusalem dinawat sidan hu mga tumutuu daw hu mga apustulis daw hu mga agalen hu mga tumutuu. Dayun intultul dan sa alan ha binuhat hu Dios pinaagi kandan.

Mga Buhat 15:7

Su mapengahan sa malugayad ha paglalang-lalang huminitindeg si Pedro daw ikagi, “Mga suled, natun-an nuy en ha su anay iyan a pinilì hu Dios hu pagsangyaw hu Maayad ha Tultulanen duun hu kenà mga Judio ta daw makatuu sidan.

Mga Buhat 21:19

Duun taena intultul kandan hi Pablo sa alan ha binuhat hu Dios duun hu kenà mga Judio pinaagi hu pagtudlù din.

Mga Buhat 7:24

Ba su makauma diyà naahà din ha pinasipalahan sa sabuwa ha duma din aman binuligan din haena daw himatayi su taga-Ehipto.

Mga Buhat 7:26

Su maisab ha aldaw naumahan din sa daruwa ha tagsabà. Aghusayen din ngaay sidan aman inikagiyan din, ‘Imbà kaw tagsabà sa migsuled dà ha kaliwat hi Israel?’

Roma 15:18

Ba sa matultul ku iyan dà sa binuhat hi Cristo pinaagi kanak ta migmatinumanen duun hu Dios sa kenà mga Judio tumenged hu mga lalang daw hu mga buhat ku,

1 Corinto 15:10

Ba pinaagi hu grasya hu Dios nabuhat a ha apustul daw sa grasya ha in-ila din kanak amin din gayed pulus. Ta bisan pa iman labaw sa nabuhat ku dì hu duma, ba kenà a iyan migbuhat taena ta pinaagi dà hu grasya hu Dios kanak.

1 Corinto 3:9

Siak daw si Apollo bà dà migbuligà duun hu buluhaten hu Dios daw sinyu agkailing kaw hu uma hu Dios ha pigtrabahuwan day. Agkailing kaw daan taena ha agbalayen hu Dios.

2 Corinto 6:1

Tumenged ta nakigsabuwa kay hu Dios hu buluhaten din aghangyuen day inyu ha harì nuy bà dà agkalkali sa grasya din inyu,

Colosas 1:29

Iyan haini hinengdan ha agpaniguru a gayed pinaagi hu gahem ha in-ila hi Cristo ha iyan tagbulig kanak.