Mga Buhat 5:9 - Lalang Hu Dios

⁹ Inikagiyan haena hi Pedro, “Imbà kaw man mag-uyun ha sulayen nuy sa Balaan ha Ispiritu ha sinugù hu Dios? Ahaa nu, ta taglikù en sa miglebeng ku igmaama nu na iyan kad en paman kandan iman iglebeng.”

Mga Buhat 5:9 ပူးပေါင်းရင်းမြစ်များ

Mateo 4:7

Ba tuminubag si Jesus, “Sa lalang hu Dios nakasulat en ha tagyanaen, ‘Harì agsulaya sa Dios ha Magbabayà hu alan.’”

Lucas 16:2

Aman impaumaw haena daw ikagiyi, ‘Laus ba sa napaliman ku mahitenged ikaw? Iman ipaahà nu kanak sa listahan hu kabuhata nu hu mga insalig ku ikaw ta iman kenà kud en iyan ikaw agsaligan.’

Mga Buhat 15:10

Imbà nuy harì agdawata sa paagi hu Dios? Imbà nuy agpegesa sa mga tumutuu hu pagtuman taena ha Kasuguan ha bisan sa mga gin-apuan taw daw sikuy iman harì pakatuman taena?

Mga Buhat 5:6

Dayun su minatay inelegan hu mga batan-en ha mga maama daw bungkusi hu manggad daw ilebeng.

Roma 10:15

Daw in-inuwen man hu etaw sa pagpanunultul ku hurà magsugù kandan? Ba amin sinugù ta sa insulat ha lalang hu Dios tagyanaen, “Madagway gayed ta amin agpakauma ha magsangyaw hu Maayad ha Tultulanen.”

Roma 3:19

Natun-an taw en ha sa Kasuguan iyan migpadayag hu salà taena ha sakup duun. Pinaagi hu Kasuguan natun-an taw ha hurà gayed makaikagi ha harì angayan ha silutan ta sa alan suminupak hu Dios.

1 Corinto 10:9

Kinahanglan ha harì taw gayed sulayan sa Dios iling hu binuhat hu duma kandan ta sinilutan sidan daw namamatay pinaagi hu mga bunsalagan ha namangagat.