Mga Buhat 5:26 - Lalang Hu Dios

²⁶ Aman su kapitan hu mga bantay daw sa mga sakup din inelegan dan su mga apustulis daw uwita duun hu mga agalen. Ba hurà dan pegesa ta agkahaldek sidan ku batuwen sidan hu mga etaw.

Mga Buhat 5:26 ပူးပေါင်းရင်းမြစ်များ

Mateo 14:5

Aghimatayan ngaay hi Herodes si Juan ba agkahaldek daan hu mga Judio ta tinuuwan dan si Juan ha prupita gayed.

Mateo 21:26

Ba ku ikagiyen taw daan ha etaw dà mapaukan kuy hu mga etaw ha tuminuu gayed ha prupita si Juan.”

Mateo 26:5

Ba minikagi sidan, “Harì taw dakepen duun hu pagsaulug ta kan ku magubut sa mga etaw.”

Mateo 26:58

Si Pedro taglupug daan kandan ba madiyù dà daw diyà dà nataman ta lama. Uminamul haena duun hu mga bantay ha tagpinuu diyà ta ag-ahaen din ku inu sa maul-ulahan hi Jesus.

Lucas 20:19

Sa mga manunudlù hu Kasuguan daw sa mga labaw ha sinaligan hu paghalad nan-ahà hu paagi ha madakep dan en gayed si Jesus ta natun-an dan ha iyan sidan tagsubayen ku pananglitan din, ba nahaldek daan sidan hu mga etaw.

Lucas 20:6

Ba ku ikagiyen taw daan ha etaw dà batuwen kuy taini ha mga etaw ta tuminuu gayed sidan ha prupita si Juan.”

Lucas 22:2

sa mga labaw ha sinaligan hu paghalad daw sa mga manunudlù hu Kasuguan nan-ahà hu paagi ha mapatay dan si Jesus ta agkahaldek sidan hu mga etaw.

Lucas 22:4

Aman duminuun hu mga labaw ha sinaligan hu paghalad daw hu mga kapitan hu bantay taena ha Timplu daw nakiglalang ku in-inuwen din paglimbung ki Jesus.

Mga Buhat 4:21

Pighulgà pa gayed si Pedro daw si Juan daw human ipaguwà. Hurà sidan kasiluti ku mga agalen ta sa mga etaw tagdayè hu Dios tumenged hu nahitabù.

Mga Buhat 5:13

Ba bisan ku tinahud sidan hu mga etaw hurà bisan sabuwa ha uminamul kandan ta agkangahaldek sidan.

Mga Buhat 5:22

Ba su makauma sidan diyà hurà dan en kaahà su mga apustulis. Aman luminikù sidan daw panunultul,

Mga Buhat 5:24

Su mapaliman haena hu kapitan hu mga bantay taena ha Timplu daw hu mga labaw ha sinaligan hu paghalad nabeleng sidan ku hindu en duun sa mga apustulis.

Mga Buhat 5:25

Ba amin nakauma ha nanunultul diyà ta kandan. Kagi din, “Saena ha mga etaw ha pinirisu nuy diyà en ta Timplu ha tagpanudlù hu kaet-etawan.”