Mga Buhat 5:2 - Lalang Hu Dios

² Sa halin taena inalatan hi Ananias daw mig-uyun daan sa igbahi din dayun sa samà inuwit din duun hu mga apustulis.

Mga Buhat 5:2 ပူးပေါင်းရင်းမြစ်များ

Mateo 23:5

“Tagbuhaten dan sa alan hu pagpaaluahà hu mga etaw. Impamedbed dan sa lalang hu Dios diyà ta tangad daw alima dan daw tagmagayad daan sidan hu pinaksuy.

Juan 12:6

Naikagi din haena kenà tumenged ta agkahid-uwan din sa mga makaluluuy ba tumenged ta takaw haena, ta si Judas iyan tag-ibit hu salapì dan daw agtakawen din sa duma duun.

Mga Buhat 2:44

Duun taena ha panahun nasabuwa sa alan ha mga tumutuu daw migpaila-ilahà sidan hu mga butang dan.

Mga Buhat 4:37

Migbaligyà haena hu sabuwa ha bugtà din dayun inuwit din sa halin duun hu mga apustulis.

Mga Buhat 5:1

Amin daan etaw ha tagngaranan ki Ananias daw sa igbahi din iyan si Safira ha migbaligyà hu bugtà dan.

Mga Buhat 5:3

Ba minikagi si Pedro, “Ananias, tinaguan kad gayed hi Satanas aman pigbiduan nu sa Balaan ha Ispiritu. Imbà nu man alati su salapì ha halin hu bugtà?

Mga Buhat 5:8

Aman ininsaan hi Pedro, “Iyan dà ba haini halin ku bugtà ha imbaligyà nuy?” Tuminubag haena, “Iyan dà hayana.”

Filipos 2:3

Bisan inu sa buhaten nuy kinahanglan ha kenà tumenged hu pagkaagapan hu pag-uswag daw ku pagpagalbu ba hu kaugalingen nuy, ba kinahanglan ha magpaubus kaw daw isipa ha sa mga duma nuy labaw gayed dì inyu.

1 Timoteo 6:10

Ta sa kabayà hu salapì iyan puunaan hu alan ha mga madaet. Sa duma tumenged hu tungkay dan gayed kabayà hu salapì nakasuway sidan duun hu pagtuu daw tumenged taena migdakelà sa pakapaguul kandan.