Mga Buhat 4:36 - Lalang Hu Dios

³⁶ Sa sabuwa kandan iyan sa kaliwat hi Levi ha taga-Cipro ha tagngaranan ki Jose ba pigdagnayan hu mga apustulis ki Bernabe ta sa kahulugan taena Tigdasig.

Mga Buhat 4:36 ပူးပေါင်းရင်းမြစ်များ

Marcos 3:17

si Santiago daw si Juan sa pigdagnayan din hu Boarneges ha tagkahulugan hu Mga Etaw ha Agkailing hu Lugung, saini ha daruwa mga batà hi Zebedeo.

Mga Buhat 11:30

Binuhat dan haena daw sugua si Bernabe daw si Saulo hu pag-uwit taena duun hu mga agalen hu mga tumutuu.

Mga Buhat 12:25

Su mapengahan hi Bernabe daw hi Saulo sa buluhaten dan diyà ta Jerusalem luminikù sidan diyà ta Antiokia daw dinuma dan si Juan ha tagngaranan daan ki Marcos.

Mga Buhat 13:1

Duun hu tagkaamul-amul ha mga tumutuu diyà ta Antiokia amin mga etaw ha pakasaysay hu igpaikagi hu Dios daw saena manunudlù daan ha iyan si Bernabe, si Saulo daw si Simeon ha tagngaranan daan ki Niger, si Lucio ha taga-Cirene daw si Manaen sa duun en mig-adagi hu pamilya hu amay hi Harì Herodes.

Mga Buhat 13:15

Su mapengahan sa pagbasa hu Kasuguan daw hu mga insulat hu prupita huminangyù sa mga agalen taena ha simbahan diyà kay Pablo. Kagi dan, “Mga suled, amin nuy ba maikagi ha salambagan duun hu mga etaw?”

Mga Buhat 13:2

Amin aldaw ha suminalang sidan hu pagkaen ta daw harì maelangan sa pagsimba dan hu Dios. Inikagiyan sidan hu Balaan ha Ispiritu, “Pilia nuy si Bernabe daw si Saulo ta amin buluhaten ha intagana ku kandan.”

Mga Buhat 13:4

Impahipanaw hu Balaan ha Ispiritu si Bernabe daw si Saulo daw dinuma dan si Juan ha tagngaranan daan ki Marcos ta daw makabulig kandan. Aman duminiyà sidan ta Seleucia daw lulan hu barku payanaen ta pulù ta Cipro. Su makauma sidan diyà ta Salamina intultul dan sa lalang hu Dios duun hu mga simbahan hu mga Judio.

Mga Buhat 15:12

Nakahagteng sa alan ha naamul-amul su tagpaliliman sidan hu tultulanen hi Bernabe daw hi Pablo mahitenged hu mga timaan daw belenganen ha impaahà hu Dios pinaagi kandan duun hu kenà mga Judio.

Mga Buhat 15:2

Aman si Pablo daw si Bernabe nakigsawalà gayed taena ha mga etaw. Su harì en sidan agkahusay pinilì si Pablo daw si Bernabe daw sa duma ha mga tumutuu ha dumiyà ta Jerusalem duun hu mga apustulis daw hu mga agalen hu mga tumutuu diyà mahitenged taena ha pigsawalaan dan.

Mga Buhat 15:37

Agkabayaan ngaay agdumaha hi Bernabe si Juan ha tagngaranan daan ki Marcos.

Mga Buhat 15:39

Aman nakagsawalà sidan daw tumenged taena migsuwayà sidan. Dinuma hi Bernabe si Juan ha tagngaranan daan ki Marcos daw lulan hu barku payanaen ta Cipro.

Mga Buhat 21:16

Amin daan mga tumutuu ha napuun diyà ta Cesarea ha nanulud kanay payanaen duun hu agtimaan day ha iyan sa balay hi Manason sa taga-Cipro ha sabuwa daan duun hu nauna ha mga tumutuu.

Mga Buhat 21:3

Duun kay uminagi hu dibabà hu pulù ta Cipro. Su makauma kay diyà ta Tiro ha sakup ta Siria kuminawas kay ta duun dà taena ighaw-as sa mga karga hu barku.

Mga Buhat 27:4

Su dumayun kay en nasal-aw day sa maseleg ha kalamag aman diyà kay uminagi ta dibaluy hu pulù ta Cipro ta hurà duun bagyu.

Mga Buhat 9:27

Ba dinumahan hi Bernabe si Saulo duun hu mga apustulis daw tinultulan din sidan hu naul-ulahan hi Saulo diyà ta dalan ha naahà din sa Ginuu daw sa pakiglalang hu Ginuu kandin daw sa kabalaw din hu pagtudlù mahitenged ki Jesus diyà ta Damasco.

1 Corinto 14:3

Ba sa etaw ha tagsaysay hu igpaikagi hu Dios iyan din ag-ikagiyan sa mga duma din ta daw malig-enan sa pagtuu dan daw madasig daan sidan daw bisan duun hu mga malegen malipayen sidan.

1 Corinto 9:6

Iyan kay dà ba diay ki Bernabe magtrabahu ta daw kay mauyag?

Galacia 2:1

Su maiwas sa sampulù daw haepat ha tuig, sumalà hu impadayag kanak hu Dios luminikù a diyà ta Jerusalem duma ki Bernabe daw dinuma ku daan si Tito. Su makauma kay diyà iyan ku dà inikagiyan sa mga agalen hu mga tumutuu mahitenged hu Maayad ha Tultulanen ha insangyaw ku duun hu kenà mga Judio ta daw harì sidan makaikagi ha hurà pulus hu pagtudlù ku.

Galacia 2:13

Sa duma ha mga Judio nangiling-iling daan kandin ha migpasibù-sibù daw bisan si Bernabe nakalagkes pa daan.

Galacia 2:9

Si Santiago, si Pedro daw si Juan kinilala ha mga agalen, ba su matun-an dan en ha in-ila kanak hu Dios sa katenged ku nakigsabuwa sidan kanay ki Bernabe duun hu buluhaten hu Dios daw mig-uyun kay ha siak daw si Bernabe dumuun kay hu kenà mga Judio daw sidan dumuun daan hu mga Judio.

Colosas 4:10

Agpangamusta inyu si Aristarco sa duma ku ha naprisu daw si Marcos sa ig-agaw hi Bernabe. Natun-an nuy en sa mga tugun day inyu aman ku makauma diyan si Marcos dawata nuy gayed.