Mga Buhat 4:34 - Lalang Hu Dios

³⁴ Hurà kandan miglised ta sa alan ha amin din bugtà daw mga balay imbaligyà dan sa duma taena daw sa halin din

Mga Buhat 4:34 ပူးပေါင်းရင်းမြစ်များ

Mateo 19:21

Minikagi si Jesus, “Ku agkabayà ka ha mahimpit ka gayed, ipamaligyà sa alan ha mga butang nu dayun sa halin taena ipan-ila duun hu mga makaluluuy ta daw magsapian ka diyà ta langit. Ku mapengahan nu haini lumikù ka dini daw sunud ka kanak.”

Marcos 10:21

Uminahà si Jesus diyà ta kandin ta agkahid-uwan din haena. Inikagiyan din, “Amin pa gayed sabuwa ha hurà nu kabuhat. Ipamaligyà sa alan ha mga butang nu dayun sa halin taena ipan-ila duun hu mga makaluluuy ta daw magsapian ka diyà ta langit. Ku mapengahan nu haini lumikù ka dini daw sunud ka kanak.”

Lucas 12:33

Ipamaligyà sa mga butang nuy daw sa halin taena ipan-ila duun hu mga makaluluuy ta daw amin nuy mga katigayunan diyà ta langit ha harì matakaw harì agkadaetan daw harì daan maketket.

Lucas 16:9

Ikagiyen ku inyu ha gamita sa mga butang nuy hu pagbulig taena ha taglised ta daw asem ku malugay ha harì en magamit sa mga butang nuy amin gihapun bales inyu diyà ta langit.

Lucas 22:35

Ininsaan hi Jesus sa mga tinun-an din, “Su suguen ku inyu su anay kaw humipanaw ha harì kaw mag-uwit hu salapì, hu lutù daw hu mga ilisan nuy na miglised kaw ba?” Tuminubag sidan, “Hurà.”

Mga Buhat 2:45

Impamaligyà dan daan sa mga katigayunan dan dayun sa halin taena binahin-bahin sumalà hu kinahanglanen hu kada sabuwa kandan.

Mga Buhat 4:37

Migbaligyà haena hu sabuwa ha bugtà din dayun inuwit din sa halin duun hu mga apustulis.

1 Tesalonica 4:12

Ku buhaten nuy haini matahuran kaw hu kenà pa mga tumutuu daw harì kaw daan makagsalig hu duma nuy mahitenged hu inyu ha mga kinahanglanen.

1 Timoteo 6:19

ta pinaagi taena maamul-amul sa katigayunan dan diyà ta langit ha harì en gayed mahanaw daw maangken dan sa laus ha kinabuhì ha hurà din en gayed katapusan.

Santiago 1:27

Sa etaw ha laus sa pagtuu din tagpadiyù duun hu mga madaet dini ta kalibutan daw tagbuhat haini hu maayad iling hu pagtanul taena ha mga ilu daw mga balu ha tagkalised-lised, ta iyan haini agkabayà-bayaan hu Dios ha Amay taw.