Mga Buhat 4:17 - Lalang Hu Dios

¹⁷ Ba sa buhaten taw iman balaudan taw sidan ha harì dan en itudlù sa mahitenged ki Jesus ta daw harì en makalekep duun hu kaet-etawan.”

Mga Buhat 4:17 ပူးပေါင်းရင်းမြစ်များ

Mateo 27:64

Aman palig-eni nu haena sa lebeng din taman hu tatulu ha aldaw ta daw harì matakaw sa lawa din hu mga tinun-an din, ta kan ku ikagiyan dan sa mga etaw ha nabanhaw dà daw dayunan dan limbungan sa mga etaw labaw pa dì su anay.”

Mateo 9:30

Sagunà sidan nakaindan. Ba binalaudan sidan hi Jesus, “Harì kaw gayed manunultul hu bisan sin-u mahitenged hu nahitabù inyu.”

Juan 15:21

Pasipalahan kaw gayed kandan tumenged ta mga etaw ku inyu daw hurà dan kakilala sa Amay ku ha migsugù kanak.

Mga Buhat 4:21

Pighulgà pa gayed si Pedro daw si Juan daw human ipaguwà. Hurà sidan kasiluti ku mga agalen ta sa mga etaw tagdayè hu Dios tumenged hu nahitabù.

Mga Buhat 5:24

Su mapaliman haena hu kapitan hu mga bantay taena ha Timplu daw hu mga labaw ha sinaligan hu paghalad nabeleng sidan ku hindu en duun sa mga apustulis.

Mga Buhat 5:28

“Hurà day ba inyu balaudi ha harì nuy en itudlù sa pagtuu nuy taena ha etaw? Ba iman inlekep nuy en dini ta Jerusalem daw igbasul nuy kanay sa pagpatay taena.”

Efeso 6:9

Sinyu sa mga agalen, iling daan taena pandayai gayed sa mga suluguen nuy. Harì sidan aghulgaa ta natun-an nuy ha sinyu daw sa mga suluguen amin nuy daan Agalen diyà ta langit ha hurà din igpalabi.

1 Tesalonica 1:8

Sa lalang hu Ginuu migsugud diyan ta inyu daw nakalekep diyan ta Macedonia daw diyà ta Acaya. Ba kenà duun dà taena ta sa pagsalig nuy duun hu Dios napaliman pa gayed duun hu bisan hindu. Aman hurà en kinahanglana ha tultulan day pa sidan mahitenged inyu

1 Pedro 2:23

Su tameyesen hurà en gayed magtubag-tubag. Su mag-antus daan hu pasipala hurà en panhulgà ba insalig din en sa kaugalingen din duun hu Dios ha iyan matareng ha Maghuhukum.