Mga Buhat 4:13 - Lalang Hu Dios

¹³ Su maahà hu mga agalen ha si Pedro daw si Juan harì gayed agkahaldek hu pag-ikagi nangabeleng sidan ta natun-an dan ha hurà haena makatunghà. Ba nahenhenaan dan ha nakagduma-duma haena ki Jesus.

Mga Buhat 4:13 ပူးပေါင်းရင်းမြစ်များ

Mateo 11:25

Duun taena ha panahun mig-ampù si Jesus, “Amay ku ha Magbabayà hu alan diyan ta langit daw dini ta kalibutan, adagi sa pagpasalamat ku ikaw ta sa inlilung duun hu mga matatau daw nangakatunghà ha mga etaw impadayag nud en duun hu mga etaw ha harì pa agpakatuen iling hu mga batà.

Mateo 26:71

Dayun guminuwà si Pedro payanaen diyà ta pultahan. Amin lain en paman ha bahi ha nakaahà kandin daw minikagi duun hu mga etaw diyà, “Iyan haini duma hi Jesus ha taga-Nazareth.”

Mateo 26:73

Su malugay-lugay inikagiyan si Pedro ku mga etaw ha tagtiyadeg diyà, “Duma ka gayed tayaa ta agkatun-an ta duun hu inikagiyan nu.”

Lucas 22:8

Aman si Pedro daw si Juan sinugù hi Jesus hu kagi din, “Dumiyà kaw daw andama sa igpanihapun taw hu pagsaulug hu Aldaw hu Paglabay.”

Juan 19:26

Su maahà hi Jesus si Inay din daw su tinun-an ha palanggà din minikagi haini, “Inay, iyan en hayana batà nu.”

Juan 7:15

Sa mga agalen hu Judio tungkay nabeleng daw mig-ikagi sidan, “Hindu gid napuun sa natun-an taini ha etawa ha kenà man daan matangkaw sa natunghaan din?”

Juan 7:49

Saini ha kaet-etawan hurà dan katun-i sa Kasuguan aman silutan gayed sidan hu Dios.”

Mga Buhat 4:14

Tumenged ta naahà dan en su naulian ha taghitindeg daan duma ki Pedro daw ki Juan hurà dan en gayed agkaikagi.

Mga Buhat 4:19

Ba si Pedro daw si Juan tuminubag, “Henhenaa nuy ku hindu sa maayad. Iyan day ba tumanen sa inyu ha sugù daw ku iyan day ba sa sugù hu Dios?

Mga Buhat 4:29

Iman Dios ha Magbabayà hu alan, napaliman nu sa mga hulgà dan kanay ba himuwa kay ha makapanunultul gayed hu lalang nu ha hurà day kahaldek.

Mga Buhat 4:31

Su makapenga sidan mag-ampù nahuyung su balay ha pig-amul-amulan dan. Dayun inulinan sidan hu Balaan ha Ispiritu aman hurà dan en gayed kahaldek hu pagpanunultul hu lalang hu Dios.

Mga Buhat 9:27

Ba dinumahan hi Bernabe si Saulo duun hu mga apustulis daw tinultulan din sidan hu naul-ulahan hi Saulo diyà ta dalan ha naahà din sa Ginuu daw sa pakiglalang hu Ginuu kandin daw sa kabalaw din hu pagtudlù mahitenged ki Jesus diyà ta Damasco.

Mga Buhat 9:28

Aman nakigduma-duma en dayun si Saulo hu mga tumutuu diyà ta Jerusalem.

1 Corinto 1:27

Ba saena ha ag-isipen hu mga etaw ha hurà din kaalam pinilì hu Dios ta daw mapagagayhaan haena sa ag-isipen ha matatau ha etaw. Daw pinilì din daan haena sa kagi hu mga etaw ha kenà angayan ta daw magayhaan su agkasaligan dan.

1 Corinto 14:25

ta sa mga madaet ha henà-henà din ipadayag diyà ta kandin. Dayun makaghinulsul haena daw sumimba hu Dios ha magyanaen, “Laus gayed ha sa Dios dini ta inyu.”

2 Corinto 3:12

Tumenged ta iyan haini taghinamen taw hurà day kahaldek hu pagsangyaw taini.