Mga Buhat 3:17 - Lalang Hu Dios

¹⁷ “Iman mga suled, natun-an ku ha saena binuhat nuy duma hu mga agalen ta hurà nuy kakilala ku sin-u si Jesus.

Mga Buhat 3:17 ပူးပေါင်းရင်းမြစ်များ

Lucas 23:13

Inamul-amul hi Pilato sa mga labaw ha sinaligan hu paghalad daw sa duma ha mga agalen daw sa kaet-etawan

Lucas 23:34

Dayun mig-ampù si Jesus, kagi din, “Amay ku, pasayluwa sidan ta hurà dan katun-i sa tagbuhaten dan.” Binahin taena ha mga sundalu sa pinaksuy hi Jesus pinaagi hu ripa.

Juan 15:21

Pasipalahan kaw gayed kandan tumenged ta mga etaw ku inyu daw hurà dan kakilala sa Amay ku ha migsugù kanak.

Juan 16:3

Agbuhaten dan haena ta siak daw sa Amay ku hurà dan kakilala.

Juan 7:52

Ba tuminubag sa mga duma din ha Parisiyu, “Taga-Galilea ka ba diay daan? Susiya nu sa lalang hu Dios ta daw matun-an nu ha hurà prupita ha diyà agkapuun ta Galilea.”

Mga Buhat 13:27

Ba sa mga Judio diyà ta Jerusalem daw sa mga agalen hurà dan kakilala si Jesus ha iyan diay sinugù hu Dios, ba pinaagi hu kahukumi dan kandin hu kamatayen natuman dan sa insulat hu mga prupita ha tagbasahen kada Sabadu.

Mga Buhat 22:5

Sa tungkay labaw ha sinaligan hu paghalad daw sa alan ha mga labaw ha agalen makapanistigus gayed ha laus haini sa tag-ikagiyen ku. Iyan man ganì sidan mig-ila kanak hu mga sulat duun hu mga duma dan diyà ta Damasco. Aman duminiyà a ta Damasco hu pagpandakep hu mga tumutuu diyà ta igpauwit ku sidan dini ta Jerusalem ta daw masilutan sidan.

Mga Buhat 26:9

“Su anay abi ku daan ha agkabayaan hu Dios ha buhaten ku sa pagpasipala taena ha mga etaw ha tuminuu ki Jesus ha taga-Nazareth.

Mga Buhat 28:21

Inikagiyan dan si Pablo, “Hurà kay makadawat hu sulat ha napuun diyà ta Judea mahitenged ikaw daw hurà daan madaet ha tultul mahitenged ikaw hu mga duma taw ha napuun diyà ta Judea.

Mga Buhat 7:40

Aman su diyà pa si Moises ta bubungan inikagiyan dan si Aaron, ‘Buhati kay ikaw hu mga diyus-diyus ha iyan day sunuren ta si Moises sa nangagalen kanay diyà ta Ehipto na hanaw ta ku nainu-inu en.’

Roma 11:2

Hurà gayed isalikway hu Dios sa mga etaw ha pinilì din. Nalipatan nuy en ba sa mga insumbung su anay hi Elias duun hu Dios mahitenged hu mga kaliwatan hi Israel ha tagyanaen,

1 Corinto 2:8

Sa mga agalen duun taini ha panahun hurà gayed makasabut taena, ta ku natun-an dan pa harì dan ngaay ilansang sa Ginuu duun hu krus ha iyan labaw hu alan.

2 Corinto 3:14

Duun taena natambunan sa madesen ha henà-henà dan daw bisan iman ku tagbasa sidan taena ha daan ha kasabutan harì dan gihapun agkasabut. Iyan dà sa pagtuu diyà ki Cristo pakaawà hu intambun duun hu henà-henà hu etaw ta daw makasabut.

Efeso 4:18

tumenged ta pigsukileman sa pagsabut dan. Hurà dan kinabuhì ha napuun duun hu Dios ta harì sidan pakasabut tumenged ta madesen gayed sa henà-henà dan.

Filipos 1:22

Ba ku duun hu pagkabubuhay ku makabuhat a hu mapuslanen harì ku agkatun-an ku inu sa pilien ku duun taini ha daruwa. Agkabayaan ku ngaay ha matay ad ta daw makaamul a diyà ki Cristo ta saini tungkay gayed maayad,

1 Timoteo 1:13

Bisan ku pigtameyes ku si Cristo Jesus daw pinasipalahan ku daan sa mga tumutuu su anay ba nahid-uwan a dà hu Dios ta nabuhat ku haena sa madaet tumenged ta hurà a pa makakilala daw hurà a pa daan makatuu ki Jesus.