Mga Buhat 3:11 - Lalang Hu Dios

¹¹ Su diyà en si Pedro daw si Juan ta sihungà ha tagngaranan hu Sihungà hi Solomon daw tagpangibità pa diyà ta kandan su naulian ha pigket, inamul-amulan sidan hu mga etaw ha agkangabeleng gayed.

Mga Buhat 3:11 ပူးပေါင်းရင်းမြစ်များ

Lucas 22:8

Aman si Pedro daw si Juan sinugù hi Jesus hu kagi din, “Dumiyà kaw daw andama sa igpanihapun taw hu pagsaulug hu Aldaw hu Paglabay.”

Lucas 8:38

Su aglulan en si Jesus ku barutu huminangyù su naulian ha agduma ngaay. Ba bà dà inikagiyi hi Jesus,

Juan 10:23

Mighiphipanaw si Jesus duun taena ha Sihungà hi Solomon diyà ta Timplu.

Mga Buhat 2:6

Su mapaliman dan sa magulub madakel kandan sa uminubay duun daw nangabeleng gayed ta sa kada sabuwa kandan nakapaliman hu kandin ha inikagiyan.

Mga Buhat 3:12

Su maahà hi Pedro su mga etaw inikagiyan din, “Sinyu sa mga duma ku ha kaliwat hi Israel, imbà nuy haini agkabelengi daw imbà kaw tag-ahaay dini ta kanay? Abi nuy gid ha pinaagi hu kanay ha pagkamatareng daw gahem sa impakahipanaw taini.

Mga Buhat 3:3

Su maahà din si Pedro daw si Juan sa agseled en diyà ta Timplu pinanayuan din sidan hu limus.

Mga Buhat 3:4

Uminahà si Pedro daw si Juan diyà ta kandin daw inikagiyan hi Pedro, “Ahà ka dini ta kanay.”

Mga Buhat 5:12

Madakel gayed ha mga belenganen daw mga timaan sa impaahà hu mga apustulis duun hu atubangan hu mga etaw. Sa mga tumutuu sigi tag-amul-amul duun taena ha Sihungà hi Solomon diyà ta Timplu.