Mga Buhat 27:17 - Lalang Hu Dios

¹⁷ Su makakarga en haena binanggetan dan su barku hu adagi ha pisì ta daw harì mabengkag. Impababà dan su layag taena ha barku ta daw mauwit haena hu kalamag ta agkahaldek sidan ku makasagyad sa barku diyà ta baybay ta nasud ta Libya.

Mga Buhat 27:17 ပူးပေါင်းရင်းမြစ်များ

Mga Buhat 27:16

Dayun nakaubay kay ku atiyuay ha pulù ta Cauda daw mighinay daan sa kalamag, aman ingkarga dan haena sa bangkà ha tagguyuden taena ha barku ba nalegen-legenan gayed sidan.

Mga Buhat 27:26

Mauwit kuy hu kalamag ba makasagyad kuy duun hu sabuwa ha pulù.”

Mga Buhat 27:29

Nahaldek sidan ku makasagyad haena sa barku duun hu batu aman linened dan sa haepat ha angkla diyà ta kahudiyanan ta ima dan ngaay ha agkaaldaw en.

Mga Buhat 27:40

Pinanamped dan su pisì ha inhiket ku angkla daw inawaan dan haena. Hinukad dan daan su pisì ha imbangget taena ha bansalan ta daw magamit su bansalan hu pagwaling taena ha barku. Dayun intaud dan su layag diyà ta unahan ta daw mauwit haena hu kalamag diyà ta baybay.

Mga Buhat 27:41

Ba nakasagyad gayed su barku duun hu mababaw. Nakalebeng sa unahan din daw nagebà sa hudiyanan taena tumenged hu mabis-ay ha mga baled.