Mga Buhat 24:14 - Lalang Hu Dios

¹⁴ Ba ag-ikagiyen ku ikaw ha sa Dios ha iyan sinimba hu mga gin-apuan day tagsimbahen ku daan ta suminunud a hu tinuuwan mahitenged ki Jesus, ba kagi dan ha saena bidù dà. Ba tinuuwan ku gayed sa Kasuguan daw sa insulat hu mga prupita

Mga Buhat 24:14 ပူးပေါင်းရင်းမြစ်များ

Mga Buhat 9:2

daw nanayù hu sulat payanaen hu mga simbahan hu mga Judio diyà ta Damasco ta daw matugutan hu pagdakep taena ha masapenan din ha tagsunud hu tinuuwan mahitenged ki Jesus daw bakusen din dayun ipaprisu sidan diyà ta Jerusalem sa mga maama daw sa mga bahi.

Roma 3:21

Iman sa paagi hu Dios ta daw mabuhat ha matareng sa etaw impadayag din, ba kenà haena pinaagi hu Kasuguan bisan ku impasabut en hu Kasuguan daw hu mga prupita

Mga Buhat 28:23

Aman sinabutan dan sa aldaw ha makiglalang sidan ki Pablo. Su mauma en haena madakel gayed sa namanduun hu tagtimaan din. Sugud hu maselem payanaen en hu mahapun si Pablo nanunultul mahitenged hu pagharì hu Dios daw naniguru daan ha makabig din sidan diyà ki Jesus pinaagi hu pagbasa mahitenged kandin duun hu Kasuguan hi Moises daw hu insulat hu mga prupita.

Mga Buhat 3:13

Sa Dios ha iyan tagsimbahen hi Abraham, hi Isaac daw hi Jacob sa mga gin-apuan taw migdayè ki Jesus ha sinugù din. Intugyan nuy si Jesus duun hu mga agalen daw pigtameyes nuy daan duun hu atubangan hi Pilato bisan su igpaawà en ngaay haena hi Pilato.

Mga Buhat 26:22

Ba bisan iman taena binuligan a gayed hu Dios aman hurà a endà hu pagpanunultul duun hu kaet-etawan sa ubus sa kahimtang din daw sa matangkaw. Sa tigtultul ku iyan sa sinubay hi Moises daw hu mga prupita

Mga Buhat 24:5

“Natun-an day ha saini ha etaw samukan gayed ta iyan paka-uwit hu gubut hu mga Judio duun hu agpayanan-an din. Agalen haini hu mga etaw ha Nazareno

2 Timoteo 1:3

Sa Dios ha tag-alagaran ku hu himpit ha henà-henà iling hu mga gin-apuan ku sigi ku tagpasalamatan ku tag-ampù a daw tagkahenà-henà ku ikaw.

Mga Buhat 26:27

Halangdun ha Harì Agripa, agtuu ka ba hu inikagi hu mga prupita? Natun-an ku ha agtuu ka.”

Impadayag 19:10

Duun taena luminuhud a duun hu atubangan din ta agsimbahen ku ngaay, ba inikagiyan a kandin, “Harì a ikaw iyan agsimbaha ta siak daw sikaw daw sa alan ha nangeseg hu kamatuuran ha intudlù hi Jesus mig-iling kuy dà ha suluguen hu Dios. Iyan nu dà gayed simbahen sa Dios.” Sa kamatuuran ha intudlù hi Jesus iyan daan impaikagi hu Dios taena ha mga prupita din.

1 Pedro 1:11

ta ginaheman sidan hu Balaan ha Ispiritu hu pagtagnà mahitenged hu mga malegen ha ag-antusen hi Cristo daw hu pagkagamhanan din ku maiwas sa mga alantusen din. Sinusi dan gayed daan haini ku kan-u agkahitabù daw inu sa maul-ulahan ku makauma en si Cristo.

Tito 3:10

Ku amin diyan sigi dà pakigsawalà ta daw mabengkag sa mga tumutuu baldenga nu haena. Ku harì magpaliliman baldenga nu hu ikaduwa. Ba ku harì pa gayed tumuu ikaw bay-anan nud en

Galacia 5:20

tagsimba hu mga diyus-diyus daw tagpamarang, tagdumut daw pakigsabà, agkasina daw tagkapaukà, agapan hu pag-uswag daw agpakabengkag hu mga tumutuu,

1 Corinto 11:19

Ba kinahanglanen haini ta daw makilala taw ku sin-u inyu sa laus ha tumutuu.

Mga Buhat 26:6

Iman impaatubang a dini ta ikaw tumenged hu sumbung kanak ta tinuuwan ku ha matuman asem sa insaad hu Dios duun hu mga gin-apuan day ha mabanhaw sa namamatay en.

Mga Buhat 24:22

Tumenged ta natun-an en daan hi Felix sa tinuuwan mahitenged ki Jesus hinimlayan din haena hu pagbistiga daw minikagi, “Aghukuman ku asem haini ku makadini sa labaw ha kapitan hu sundalu ha si Lisias.”

Mga Buhat 22:14

“Dayun minikagi haena, ‘Sa Dios ha tagsimbahen hu mga gin-apuan taw iyan migpilì ikaw ta daw matun-an nu sa agkabayaan din aman naahà nu sa matareng ha sinugù din daw napaliman nu sa inikagi din.

Mga Buhat 19:9

Ba sa duma ha mga etaw hurà gayed tuu ta madesen sa henà-henà dan daw bà dan dà pigtameyes duun hu atubangan hu mga etaw sa tinuuwan mahitenged ki Jesus. Aman uminawà si Pablo diyà ta kandan. Dinuma din sa mga tumutuu dayun aldaw-aldaw miglalang-lalang sidan duun hu iskwilahan ha binalay hi Tirano.

Mga Buhat 13:15

Su mapengahan sa pagbasa hu Kasuguan daw hu mga insulat hu prupita huminangyù sa mga agalen taena ha simbahan diyà kay Pablo. Kagi dan, “Mga suled, amin nuy ba maikagi ha salambagan duun hu mga etaw?”

Mga Buhat 10:43

Inikagi en hu alan ha mga prupita ha bisan sin-u sa tumuu kandin mapasaylu sa mga salà dan pinaagi hu ngaran hi Jesus.”

Mga Buhat 7:32

‘Iyan a sa Dios ha tagsimbahen hu mga gin-apuan nu ha si Abraham, si Isaac daw si Jacob.’ Aman hinugdunan si Moises daw nahaldek hu pag-ahà taena.

Mga Buhat 5:30

Sa Dios ha tagsimbahen hu mga gin-apuan taw iyan migbanhaw ki Jesus sa hinimatayan nuy pinaagi hu kalansanga kandin duun hu krus.

Juan 1:45

Aman sagunà inelegan hi Felipe si Natanael daw ikagiyi, “Naahà day en haena sa etaw ha sinubay hu mga prupita daw sa sinubay daan hi Moises duun hu Kasuguan. Iyan haena si Jesus sa batà hi Jose ha taga-Nazareth.”

Lucas 24:44

Inikagiyan din sidan, “Iyan en haini inikagi ku inyu su anay ha tagduma-dumahà kuy ha kinahanglan matuman gayed sa alan ha nakasulat mahitenged kanak duun hu Kasuguan hi Moises daw hu mga insulat hu prupita daw duun hu mga Salmo.”

Lucas 24:27

Dayun insaysay hi Jesus diyà ta kandan sa mahitenged hu kaugalingen din ha nakasulat duun hu lalang hu Dios pinaagi ki Moises daw hu alan ha mga prupita.

Lucas 16:29

“Ba uminikagi si Abraham, ‘Kenà en kinahanglan ta amin en diyà lalang hu Dios ha insulat hi Moises daw hu mga prupita. Iyan en haena palilimanan dan.’

Lucas 16:16

“Sa Kasuguan daw sa lalang hu Dios pinaagi hu mga prupita duun dà nataman hu pagpakauma hi Juan Ha Tagpamautismu. Sugud taena tigsangyaw sa Maayad ha Tultulanen mahitenged hu pagharì hu Dios daw agpegesen ngaay hu mga etaw ha magharì en haena.

Lucas 1:70

ta iyan haena inikagi kanuy hu Dios pinaagi hu mga prupita din.

Mateo 22:40

Sa Kasuguan daw sa lalang hu Dios pinaagi hu mga prupita matuman en ku buhaten nuy haini sa daruwa ha sugù.”

Mateo 10:32

“Bisan sin-u haena sa ag-angken kanak duun hu mga etaw angkenen ku daan duun hu Amay ku diyà ta langit.

Mateo 7:12

“Ku inu sa agkabayaan nuy ha buhaten diyan ta inyu hu mga duma nuy iyan daan haena buhaten nuy diyà ta kandan, ta iyan haena Kasuguan daw lalang hu Dios pinaagi hu mga prupita.

Mga Buhat 19:23

Duun taena ha panahun amin kasamuk diyà ta Efeso tumenged hu tinuuwan mahitenged ki Jesus.

Mga Buhat 15:5

Ba amin daan mga tumutuu ha sakup hu mga Parisiyu ha huminitindeg daw ikagi, “Kinahanglan gayed ha sirkunsidahan sa kenà mga Judio ha tuminuu daw tumanen dan gayed sa Kasuguan hi Moises.”

Mga Buhat 25:8

Dayun nangatarengan si Pablo ha tagyanaen, “Hurà ku kasupak sa Kasuguan hu mga Judio daw hurà a maal en seled diyà ta Timplu daw hurà a daan supak ki Cesar sa Harì ta Roma.”

Mga Buhat 26:4

“Natun-an hu mga Judio ku inu sa batasan ku sugud dà su anay ha atiyuay a pa duun hu kanak ha banuwa daw bisan diyà ta Jerusalem.

Mga Buhat 28:22

Ba agkabayaan day agpalilimani sa tinuuwan nu ta natun-an day ha sinupak haini duun hu bisan hindu.”

Roma 1:9

Sa Dios ha iyan tag-alagaran ku pinaagi hu pagsangyaw hu Maayad ha Tultulanen mahitenged hu Batà din natun-an din en haini ha sigi ku gayed inyu taghenhenaen duun hu mga pag-ampù ku.