Mga Buhat 22:5 - Lalang Hu Dios

⁵ Sa tungkay labaw ha sinaligan hu paghalad daw sa alan ha mga labaw ha agalen makapanistigus gayed ha laus haini sa tag-ikagiyen ku. Iyan man ganì sidan mig-ila kanak hu mga sulat duun hu mga duma dan diyà ta Damasco. Aman duminiyà a ta Damasco hu pagpandakep hu mga tumutuu diyà ta igpauwit ku sidan dini ta Jerusalem ta daw masilutan sidan.

Mga Buhat 22:5 ပူးပေါင်းရင်းမြစ်များ

Lucas 22:66

Su maselem en sa alan ha mga labaw ha agalen hu mga Judio ha iyan sa mga magulang, sa mga labaw ha sinaligan hu paghalad daw sa mga manunudlù hu Kasuguan mig-amul-amul dayun impaatubang diyà ta kandan si Jesus.

Mga Buhat 1:15

Amin aldaw ha naamul-amul sa nanggatus daw kaluwaan ha tumutuu. Dayun huminitindeg si Pedro duun hu atubangan dan daw ikagi,

Mga Buhat 13:26

“Mga suled ku ha kaliwat hi Abraham daw sinyu daan sa alan ha matinahuren hu Dios, iyan kuy pinauwitan hu Maayad ha Tultulanen mahitenged hu igkaluwas taw.

Mga Buhat 2:29

“Mga suled, natun-an taw ha sa bantugan ha gin-apuan taw ha si David nalugay en sa kapatay din daw agkatulen taw pa iman sa lebeng din.

Mga Buhat 22:1

“Mga suled ku daw sinyu sa mga magulang, palilimani nuy haini sa katarengan ku.”

Mga Buhat 23:1

Pigtengtengan hi Pablo sa alan ha mga labaw ha agalen daw ikagi, “Mga suled, natun-an hu Dios ha sa henà-henà ku hurà gayed duun pagduwa-duwa mahitenged hu pagtuman ku hu insugù din.”

Mga Buhat 23:6

Tumenged ta natun-an hi Pablo ha sa duma kandan mga Saduceo daw sa duma mga Parisiyu minikagi haena hu madaging, “Mga suled, Parisiyu a daan daw bisan sa mga gin-apuan ku Parisiyu gayed. Sa hinengdan ha agbistigahen a iman iyan sa pagtuu ku ha sa mga namamatay en mabanhaw dà.”

Mga Buhat 26:10

Iyan haini binuhat ku su anay diyà ta Jerusalem ta sa mga labaw ha sinaligan hu paghalad mig-ila kanak hu katenged ha pamurisuwen ku sa mga tumutuu daw ku amin aghimatayan ag-uyun a daan.

Mga Buhat 26:11

Kapila ku gayed elegi sa mga simbahan daw siluti sa mga tumutuu diyà daw pigsiguruwan ku ha mangakaendà sidan hu pagtuu dan. Agkangapaukan ku gayed sidan aman pinanlupug ku pa sidan duun hu madiyù ha mga banuwa daw pasipalahi.

Mga Buhat 26:12

“Duminiyà a daan ta Damasco sa tag-uwit hu mga sulat ha tagpamatuud ha iyan a sinugù hu mga labaw ha sinaligan hu paghalad hu pagdakep hu alan ha mga tumutuu ki Jesus.

Mga Buhat 28:17

Su maiwas en sa tatulu ha aldaw inamul hi Pablo sa mga agalen hu mga Judio diyà dayun inikagiyan din sidan, “Mga suled, bisan ku hurà ku salà duun hu duma ku ha mga Judio daw hurà ku kasupak sa tulumanen hu mga gin-apuan taw ba dinakep a kandan daw intugyan a kandan duun hu mga agalen ta Roma.

Mga Buhat 28:21

Inikagiyan dan si Pablo, “Hurà kay makadawat hu sulat ha napuun diyà ta Judea mahitenged ikaw daw hurà daan madaet ha tultul mahitenged ikaw hu mga duma taw ha napuun diyà ta Judea.

Mga Buhat 3:17

“Iman mga suled, natun-an ku ha saena binuhat nuy duma hu mga agalen ta hurà nuy kakilala ku sin-u si Jesus.

Mga Buhat 4:5

Su maselem en mig-amul-amul diyà ta Jerusalem sa mga agalen, sa mga magulang daw sa mga manunudlù hu Kasuguan.

Mga Buhat 5:21

Su maselem en duminiyà sidan ta Timplu daw panudlù. Duun daan taena ha aldawa inamul ku tungkay labaw ha sinaligan hu paghalad daw ku mga duma din sa alan ha mga labaw ha agalen hu mga Judio. Dayun impatimù dan hu mga bantay su mga apustulis diyà ta prisuwan.

Mga Buhat 9:14

Daw sa pagdini din iman iyan sa pagdakep hu mga tuminuu ikaw ta inilahan haena hu katenged hu mga labaw ha sinaligan hu paghalad.”

Galacia 1:13

Napaliman nuy en sa pamatasan ku su anay su duun a pa hu tinuuwan hu mga Judio. Natun-an nuy ku pig-inu-inu ku pagpasipala sa mga tumutuu ki Cristo daw inu daan sa kabuhata ku hu pagdaet kandan.

Filipos 3:6

Sa timaan hu pagkamadasigen ku taini iyan sa pigpasipalahan ku sa mga tumutuu ki Cristo daw harì gayed masaway sa pagtuman ku hu Kasuguan.

1 Timoteo 4:14

Harì nu agbaybayani sa katengdanan ha in-ila ikaw hu Dios su dampaen ka hu mga agalen hu mga tumutuu ha tag-ikagi iyan ka pinilì hu Dios ha suluguen din.