Mga Buhat 22:3 - Lalang Hu Dios

³ “Siak sabuwa a ha Judio ha diyà imbatà ta Tarso ha sakup ta Cilicia ba dini a uminadagi ta Jerusalem. Sa manunudlù ku iyan si Gamaliel aman tinudluan a kandin hu alan mahitenged hu Kasuguan hu mga gin-apuan taw, daw madasigen a gayed duun hu Dios iling inyu iman.

Mga Buhat 22:3 ပူးပေါင်းရင်းမြစ်များ

Lucas 10:39

Amin din daan suled ha iyan si Maria ha mininuu duun hu atubangan hi Jesus daw magpaliliman hu intudlù din.

Lucas 2:46

Su ikatulu en ha aldaw human dan naahà si Jesus ha tagpinuuwà diyà ta Timplu duma hu mga manunudlù ta tagpalilimanà daw tagpanginginsaay kandan.

Lucas 8:35

Dayun namandiyà sa mga etaw ta ag-ahaen dan su nahitabù. Su makauma sidan diyà ki Jesus naahà dan su etaw ha tinaguan hu mga busaw su anay ha tagpinuuwà diyà ta atubangan hi Jesus ha maayad en sa henà-henà din daw migpinaksuy en, aman su mga etaw nangahaldek gayed.

Mga Buhat 11:25

Dayun duminiyà si Bernabe ta Tarso hu pagpan-ahà ki Saulo.

Mga Buhat 15:23

Impauwit sidan hu sulat ha tagyanaen, “Iyan kay sa mga apustulis daw mga agalen hu tumutuu dini sa migsulat taini. Kamusta kaw sinyu sa mga suled day duun hu pagtuu ha kenà mga Judio diyan ta Antiokia daw duun hu mga prubinsya ta Siria daw ta Cilicia.

Mga Buhat 15:41

Duminuun sidan hu mga banuwa ha sakup ta Siria daw Cilicia daw piglig-en hi Pablo sa pagtuu hu mga tumutuu diyà.

Mga Buhat 21:20

Su mapaliman dan haena dinayè dan sa Dios daw ikagiyi si Pablo, “Suled day, natun-an nu ha madakel gayed sa mga Judio ha tuminuu ki Jesus daw migmadasigen daan sidan hu pagtuman hu Kasuguan hi Moises.

Mga Buhat 21:39

Tuminubag si Pablo, “Kenà a iyan ta Judio a ha taga-Tarso sa bantugan ha banuwa ha sakup ta Cilicia. Hangyuen ku ngaay ikaw ha ipaikagi a duun taini ha mga etaw.”

Mga Buhat 23:34

Su mabasa en ku gubirnadur su sulat nanginginsà ku hindu ha prubinsya nasakup si Pablo. Su umikagi si Pablo ha sakup ta Cilicia

Mga Buhat 23:6

Tumenged ta natun-an hi Pablo ha sa duma kandan mga Saduceo daw sa duma mga Parisiyu minikagi haena hu madaging, “Mga suled, Parisiyu a daan daw bisan sa mga gin-apuan ku Parisiyu gayed. Sa hinengdan ha agbistigahen a iman iyan sa pagtuu ku ha sa mga namamatay en mabanhaw dà.”

Mga Buhat 26:5

Nalugay en sa kakilala dan kanak daw ku agkabayaan dan ngaay makapanistigus en sidan ha siak na Parisiyu a daw tagtumanen ku gayed sa Kasuguan day.

Mga Buhat 26:9

“Su anay abi ku daan ha agkabayaan hu Dios ha buhaten ku sa pagpasipala taena ha mga etaw ha tuminuu ki Jesus ha taga-Nazareth.

Mga Buhat 5:34

Ba amin dan duma ha Parisiyu ha tagngaranan ki Gamaliel ha manunudlù daan hu Kasuguan daw tinahud hu mga etaw. Saena huminitindeg daw ikagi ha ipaguwà enà su mga apustulis hu nangkaatiyù.

Mga Buhat 6:9

Ba amin daan nakigsawalà ki Esteban ha mga sakup taena ha simbahan hu mga Judio ha pigngaranan hu Simbahan hu Nalibri ha Ulipen. Saini sidan diyà nangapuun ta Cirene daw ta Alejandria daw sa duma daan duun hu mga prubinsya ta Cilicia daw ta Asia.

Mga Buhat 9:1

Duun taena ha panahun si Saulo sigi agpanhulgà ha aghimatayan din sa mga tuminuu hu Ginuu. Duminuun haena hu tungkay labaw ha sinaligan hu paghalad

Mga Buhat 9:11

Inikagiyan haena hu Ginuu, “Dumiyà ka ta balay hi Judas duun hu dalan ha tagngaranan ta Matul-id daw pan-ahaa sa etaw ha taga-Tarso ha tagngaranan ki Saulo ta tag-ampuay iman haena diyà.

Mga Buhat 9:30

Su matun-an haena hu mga tumutuu inuwit dan si Saulo diyà ta Cesarea daw ipaulì diyà ta Tarso.

Roma 11:1

Harì kaw taghenà-henà ha isalikway en hu Dios sa alan ha mga Judio, ta siak kaliwat a daan hi Israel tumenged ta iyan gin-apuan ku si Abraham daw iyan kapuun ku si Benjamin.

2 Corinto 11:22

Ku ipasigalbu dan ha pinilì sidan hu Dios ta mga kaliwat sidan hi Israel daw gin-apuan dan daan si Abraham, mig-iling kay dà.

Galacia 1:14

Sa iling kanak kagulang duun hu mga duma ku ha Judio hurà gayed makatepeng kanak hu kadasig ku hu pagtuman hu mga tulumanen ha imbilin hu mga gin-apuan day.

Galacia 1:21

Dayun duminuun a hu mga prubinsya ta Siria daw ta Cilicia.