Mga Buhat 21:3 - Lalang Hu Dios

³ Duun kay uminagi hu dibabà hu pulù ta Cipro. Su makauma kay diyà ta Tiro ha sakup ta Siria kuminawas kay ta duun dà taena ighaw-as sa mga karga hu barku.

Mga Buhat 21:3 ပူးပေါင်းရင်းမြစ်များ

Mateo 11:21

“Sinyu sa taga-Chorazin daw taga-Bethsaida, kahid-u nuy gayed ta sa mga belenganen ha binuhat ku diyan ta inyu, ku naahà pa ngaay hu kenà mga Judio diyà ta Tiro daw ta Sidon maghinulsul gayed sidan daw magbasul hu mga salà dan.

Mateo 4:24

Sa tultulanen mahitenged kandin nakalekep diyà ta prubinsya ta Siria, aman pinan-uwit dan diyà ta kandin sa mga etaw ha agkangadaluwan hu hurà mag-iling ha dalu daw sa agkangasakitan. Sa duma kandan agkangabidbid daw amin mga minatay en sa dibaluy ha lawa din daw sa duma tinaguan en hu mga busaw. Ba alan sidan naulian hi Jesus.

Lucas 10:13

“Sinyu sa taga-Corazin daw taga-Bethsaida, kahid-u nuy gayed ta sa mga belenganen ha binuhat ku diyan ta inyu ku naahà pa ngaay hu kenà mga Judio diyà ta Tiro daw ta Sidon maghinulsul gayed sidan daw magbasul hu mga salà dan.

Lucas 2:2

Iyan haini una ha pagpanlista daw iyan si Cirenio gubirnadur diyà ta Siria.

Mga Buhat 11:19

Su pasipalahan sa mga tumutuu sugud hu kahimatayi ki Esteban nakagsusuwayà sidan. Sa duma kandan nakapulaguy payanaen duun hu nasud ta Fenicia daw duun hu pulù ta Cipro daw banuwa ta Antiokia. Nanunultul sidan hu lalang hu Dios ba duun dà hu mga Judio.

Mga Buhat 12:20

Duun taena ha panahun napaukan gayed hi Herodes sa mga etaw diyà ta Tiro daw ta Sidon, aman migdengan sidan hu pagdiyà hu pagpakighusay kandin ta sa pagkaen dan duun agkatimù hu bugtà ha sakup hu ginharian hi Herodes. Hinangyù dan ha mulig kandan si Blasto sa sinaligan hu balay taena ha harì.

Mga Buhat 13:4

Impahipanaw hu Balaan ha Ispiritu si Bernabe daw si Saulo daw dinuma dan si Juan ha tagngaranan daan ki Marcos ta daw makabulig kandan. Aman duminiyà sidan ta Seleucia daw lulan hu barku payanaen ta pulù ta Cipro. Su makauma sidan diyà ta Salamina intultul dan sa lalang hu Dios duun hu mga simbahan hu mga Judio.

Mga Buhat 15:23

Impauwit sidan hu sulat ha tagyanaen, “Iyan kay sa mga apustulis daw mga agalen hu tumutuu dini sa migsulat taini. Kamusta kaw sinyu sa mga suled day duun hu pagtuu ha kenà mga Judio diyan ta Antiokia daw duun hu mga prubinsya ta Siria daw ta Cilicia.

Mga Buhat 15:39

Aman nakagsawalà sidan daw tumenged taena migsuwayà sidan. Dinuma hi Bernabe si Juan ha tagngaranan daan ki Marcos daw lulan hu barku payanaen ta Cipro.

Mga Buhat 15:41

Duminuun sidan hu mga banuwa ha sakup ta Siria daw Cilicia daw piglig-en hi Pablo sa pagtuu hu mga tumutuu diyà.

Mga Buhat 18:18

Si Pablo migtimà pa diyà ta Corinto hu pila ha aldaw. Dayun inawaan din sa mga tumutuu diyà daw lulan hu barku payanaen diyà ta prubinsya ta Siria duma ki Priscila daw ki Aquila. Su makauma sidan diyà ta Cencrea migpatabulug si Pablo ha iyan timaan ha natuman din en sa panaad din duun hu Dios.

Mga Buhat 21:16

Amin daan mga tumutuu ha napuun diyà ta Cesarea ha nanulud kanay payanaen duun hu agtimaan day ha iyan sa balay hi Manason sa taga-Cipro ha sabuwa daan duun hu nauna ha mga tumutuu.

Mga Buhat 21:2

Diyà day naahà sa barku ha aglayun diyà ta Fenice aman luminulan kay duun.

Mga Buhat 21:7

Su makauma kay diyà ta Tolemaida puun ta Tiro kuminawas kay. Seled hu nangkaaldaw nakig-ahà kay hu mga tumutuu diyà.

Mga Buhat 27:4

Su dumayun kay en nasal-aw day sa maseleg ha kalamag aman diyà kay uminagi ta dibaluy hu pulù ta Cipro ta hurà duun bagyu.

Mga Buhat 4:36

Sa sabuwa kandan iyan sa kaliwat hi Levi ha taga-Cipro ha tagngaranan ki Jose ba pigdagnayan hu mga apustulis ki Bernabe ta sa kahulugan taena Tigdasig.