Mga Buhat 20:30 - Lalang Hu Dios

³⁰ daw diyan dà daan kapuun ta inyu sa magtudlù hu nakasuway duun hu kamatuuran ta daw makabig dan sa mga tumutuu en.

Mga Buhat 20:30 ပူးပေါင်းရင်းမြစ်များ

1 Juan 2:19

Saini ha mga etaw suminuway dini ta kanuy tumenged ta kenà taw duma, ta ku mga duma taw pa ngaay sidan hurà ngaay sidan suway kanuy. Ba tumenged ta suminuway en man sidan kanuy natun-an taw ha kenà taw gayed sidan mga duma.

Mga Buhat 11:26

Su maahà din haena dinuma din diyà ta Antiokia. Nangkatuig sa pagpakig-amul-amul dan hu mga tumutuu diyà daw tinudluan dan sa madakel tungkay ha mga etaw. Diyà ta Antiokia napuunaan sa kangarani hu mga tumutuu ha Cristohanen.

Impadayag 2:6

Ba amin daan agkabayaan ku ha tagbuhaten nuy ta agtambagan nuy sa mga buhat hu Nicolaita ha mga etaw iling hu kanak ha katambagi duun.

2 Juan 1:7

Nakalekep en dini ta kalibutan sa mga biduen ha manunudlù ha tag-ikagi ha si Cristo Jesus hurà magpakaetaw. Saini sidan iyan maglimbung hu kaet-etawan daw mga kuntra sidan hi Cristo.

2 Pedro 2:18

ta tagpagalbuwà sidan daw pinaagi hu mga kalaw-ayan agpanulayen dan sa bag-u pa suminuway duun hu mga duma dan ha tagbuhat hu madaet.

1 Timoteo 6:5

Sigi sidan tagsawalà tumenged ta migdaet en sa henà-henà dan daw nabutawanan dan en sa kamatuuran ta abi dan ha sa pagsunud hu Dios iyan en ipagsapian dan.

1 Timoteo 5:13

Daw kenà iyan dà haena ta mabuhat sidan ha pugulen daw sigi dà magpanumbalayà, magpangitukà daw maglabet-labet duun hu duma na maikagi dan sa kenà maayad ha ag-ikagiyen.

Mga Buhat 21:38

Kenà ka ba diay iyan haena sa taga-Ehipto ha migbuhat hu kagubut daw nangulu hu haepat ha libu ha mga talamunù duun hu pinakabulung-bulung ha lugar?”

Mateo 23:15

“Kahid-u nuy gayed sinyu sa mga manunudlù hu Kasuguan daw mga Parisiyu ha bà dà tagpasibù-sibù. Madiyù gayed sa napayanan-an nuy ta bà nuy en nangalayun sa dagat hu pagkabig hu sabuwa ha etaw, ba sa intudlù nuy taena ha kinabig nuy nakapadaet kandin ha iyan ipaka-Impirnu din.

2 Corinto 11:13

Saena ha mga etaw kenà laus ha mga apustulis ta bà dà sidan agpanlimbung pinaagi hu pagpasibù-sibù dan ha apustulis sidan hi Cristo.