Mga Buhat 2:22 - Lalang Hu Dios

²² “Sinyu sa mga duma ku ha kaliwat hi Israel, palilimani nuy haini sa ag-ikagiyen ku ha si Jesus sa taga-Nazareth sinugù hu Dios. Sa timaan taena iyan sa pagkagamhanan din daw sa mga belenganen ha impabuhat kandin hu Dios. Natun-an nuy en haini ta nahitabù en diyan ta inyu.

Mga Buhat 2:22 ပူးပေါင်းရင်းမြစ်များ

Mateo 12:28

Saini ha gahem ku duun gayed napuun hu Balaan ha Ispiritu. Iyan haena igkatun-i taw ha iman tagharì en sa Dios dini ta kanuy.

Mateo 2:23

dayun diyà en sidan migtimà ta banuwa ha tagngaranan ta Nazareth. Pinaagi taena natuman sa inikagi hu mga prupita ha si Jesus ngaranan ha taga-Nazareth.

Mateo 9:8

Su maahà haena hu mga etaw tungkay sidan nangabeleng daw dinayè dan sa Dios tumenged ta in-ila din ki Jesus sa kagahem ha iling taena.

Lucas 11:20

Saini ha gahem ku duun gayed napuun hu Dios. Iyan haini ikatun-i taw ha iman tagharì en sa Dios dini ta kanuy.

Lucas 18:37

Inikagiyan dan, “Ag-agi en dini si Jesus ha taga-Nazareth.”

Lucas 24:18

Sa sabuwa kandan ha si Cleopas tuminubag, “Sabubuwa ka dà gid ha nakadini ta Jerusalem ha hurà makatuen hu naul-ulahan iman dini.”

Juan 1:45

Aman sagunà inelegan hi Felipe si Natanael daw ikagiyi, “Naahà day en haena sa etaw ha sinubay hu mga prupita daw sa sinubay daan hi Moises duun hu Kasuguan. Iyan haena si Jesus sa batà hi Jose ha taga-Nazareth.”

Juan 10:37

Harì kaw tumuu kanak ku kenà ku iyan tagbuhaten sa insugù kanak hu Dios ha Amay ku.

Juan 11:47

Aman sa mga labaw ha sinaligan hu paghalad daw sa mga Parisiyu inamul-amul dan sa alan ha duma dan ha mga labaw ha agalen hu mga Judio. Miglalang-lalang sidan, “In-inuwen taw haena sa etaw ha madakel en sa nabuhat din ha belenganen?

Juan 12:17

Sa intalagbua ki Jesus hu madakel tungkay ha mga etaw iyan ta napaliman dan sa tultul hu mga etaw ha nakaduma kandin su banhawen din si Lazaro.

Juan 15:24

Harì ngaay sidan mag-isip ha mga makasasalà sidan ku hurà dan pa kaahà sa mga binuhat ku ha belenganen ha hurà kahimu hu bisan sin-u. Ba bisan ku naahà dan en haena kinuntra a gihapun kandan daw sa Amay ku.

Juan 19:19

Sa sampaw ta ulu hi Jesus pinasulatan hi Pilato, “Si Jesus ha taga-Nazareth sa Harì hu mga Judio.”

Juan 3:2

Su masukilem en duminiyà haena ki Jesus daw ikagiyi, “Manunudlù, natun-an day ha iyan ka manunudlù ha sinugù hu Dios ta sa mga belenganen ha tagbuhaten nu iyan dà pakahimu duun sa etaw ha tagdumahan hu Dios.”

Juan 4:48

Ba inikagiyan haena hi Jesus, “Imbà kaw daw dà agtuu kanak ku makaahà kaw dà hu mga belenganen?”

Juan 5:36

“Ba amin makapanistigus kanak ha labaw pa dì ki Juan ta sa tagbuhaten ku ha impabuhat kanak hu Dios ha Amay ku iyan en tistigus ha sinugù a gayed hu Dios.

Juan 6:14

Su maahà hu mga etaw haena sa belenganen ha binuhat hi Jesus minikagi sidan, “Iyan en gayed hayan su tagsalapen taw ha Prupita ha igpadini ta kalibutan.”

Juan 6:27

Harì nuy agsiguruwi sa kalan-enen ha sagunà dà agkadaet ba maniguru kaw ta daw matimù nuy sa kalan-enen ha makaila hu kinabuhì ha hurà din katapusan. Siak sa Batà hu Etaw iyan a inilahan hu Dios ha Amay ku hu gahem ha makaila taena inyu.”

Juan 7:31

Madakel ha mga etaw sa tuminuu kandin daw kagi dan, “Iyan en gayed haini su Misiyas ta hurà en makahimu hu labaw pa ha mga belenganen dì kandin.”

Juan 9:33

Ku hurà pa haena sugua hu Dios harì din ngaay mahimu.”

Mga Buhat 13:16

Aman si Pablo huminitindeg daw singyasi sa mga etaw ha maghagteng dayun minikagi, “Mga suled ku ha kaliwat hi Israel daw sinyu daan sa alan ha masinimbahen hu Dios, palilimani a inyu.

Mga Buhat 14:27

Su makauma sidan diyà inamul dan sa alan ha mga tumutuu daw tultuli hu alan ha binuhat hu Dios pinaagi kandan daw ku inu sa paagi ha binuhat din ta daw makatuu sa kenà mga Judio.

Mga Buhat 2:19

Ipaahà ku sa mga belenganen diyà ta langit daw sa mga timaan dini ta kalibutan ha iyan sa langesa, sa hapuy daw sa malabung ha ebel.

Mga Buhat 2:43

Madakel sa belenganen daw timaan ha impaahà hu mga apustulis aman nangabeleng gayed sa mga etaw.

Mga Buhat 21:28

“Sinyu sa mga duma day ha kaliwat hi Israel, buligi kay inyu ta iyan en haini su etaw ha migtudlù duun hu bisan hindu ha sa mga Judio daw sa Kasuguan taw daw saini ha balaan ha Timplu hurà din pulus, daw impaseled din duun taini ha Timplu sa kenà mga Judio aman nahugawan dan haini.”

Mga Buhat 22:8

“Aman tuminubag a, ‘Sin-u ka man, Ginuu?’ “Dayun uminikagi haena, ‘Iyan a si Jesus ha taga-Nazareth sa tagpasipalahan nu.’

Mga Buhat 24:5

“Natun-an day ha saini ha etaw samukan gayed ta iyan paka-uwit hu gubut hu mga Judio duun hu agpayanan-an din. Agalen haini hu mga etaw ha Nazareno

Mga Buhat 26:26

Sikaw Halangdun ha Harì Agripa, natun-an nud en haini. Aman hurà a gayed magduwa-duwa hu pag-ikagi diyan ta ikaw ta saini hurà gayed makaheles ikaw.

Mga Buhat 26:9

“Su anay abi ku daan ha agkabayaan hu Dios ha buhaten ku sa pagpasipala taena ha mga etaw ha tuminuu ki Jesus ha taga-Nazareth.

Mga Buhat 3:12

Su maahà hi Pedro su mga etaw inikagiyan din, “Sinyu sa mga duma ku ha kaliwat hi Israel, imbà nuy haini agkabelengi daw imbà kaw tag-ahaay dini ta kanay? Abi nuy gid ha pinaagi hu kanay ha pagkamatareng daw gahem sa impakahipanaw taini.

Mga Buhat 3:6

Ba inikagiyan haena hi Pedro, “Hurà day salapì ba ku inu sa dini ta kanay iila day ikaw. Aman pinaagi hu ngaran hi Cristo Jesus ha taga-Nazareth hipanaw ka.”

Mga Buhat 4:10

kinahanglan ha matun-an nuy daw hu alan ha kaliwat hi Israel ha pinaagi hu ngaran hi Cristo Jesus ha taga-Nazareth sa impalansang nuy duun hu krus ba pigbanhaw dà hu Dios iyan ingkaulii taini ha tag-ahaen nuy iman.

Mga Buhat 5:35

Dayun inikagiyan din su mga duma din, “Sinyu sa mga duma ku ha kaliwat hi Israel, hinay-hinayen nuy sa agkabayaan nuy agbuhata duun taini ha mga etaw.

Mga Buhat 6:14

ta napaliman day haini ha migyanaen ha agkagasen kun hi Jesus ha taga-Nazareth haini sa Timplu daw agbalhinen din sa mga tulumanen ha imbilin kanuy hi Moises.”

2 Corinto 12:12

Su diyan a ta inyu naahà nuy sa timaan ha apustul a tumenged ta migpailub a daw impaahà ku inyu sa mga timaan daw belenganen.

Hebreo 2:4

Pigpamatud-an haini hu Dios pinaagi hu mga timaan daw hu hurà mag-iling ha mga belenganen daw hu mga katatau ha in-ila din sumalà hu pagbayà din pinaagi hu Balaan ha Ispiritu.