Mga Buhat 2:14 - Lalang Hu Dios

¹⁴ Huminitindeg si Pedro duma hu sampulù daw sabuwa ha apustulis daw minikagi hu madaging ha tagyanaen, “Sinyu sa duma ku ha Judio daw sa alan ha tagtimà iman dini ta Jerusalem, magpaliliman kaw.

Mga Buhat 2:14 ပူးပေါင်းရင်းမြစ်များ

Mateo 2:1

Si Jesus diyà imbatà ta Bethlehem ha sakup ta Judea su panahun ha iyan pa harì diyà si Herodes. Hurà tungkay kalugay nakauma diyà ta Jerusalem sa mga etaw ha mga matatau ha napuun diyà ta sinibwalan.

Mga Buhat 1:26

Dayun pigripa dan haena aman si Matias iyan napilì ha ig-isab duun taena ha sampulù daw sabuwa ha apustulis.

Mga Buhat 13:16

Aman si Pablo huminitindeg daw singyasi sa mga etaw ha maghagteng dayun minikagi, “Mga suled ku ha kaliwat hi Israel daw sinyu daan sa alan ha masinimbahen hu Dios, palilimani a inyu.

Mga Buhat 2:22

“Sinyu sa mga duma ku ha kaliwat hi Israel, palilimani nuy haini sa ag-ikagiyen ku ha si Jesus sa taga-Nazareth sinugù hu Dios. Sa timaan taena iyan sa pagkagamhanan din daw sa mga belenganen ha impabuhat kandin hu Dios. Natun-an nuy en haini ta nahitabù en diyan ta inyu.

Mga Buhat 21:28

“Sinyu sa mga duma day ha kaliwat hi Israel, buligi kay inyu ta iyan en haini su etaw ha migtudlù duun hu bisan hindu ha sa mga Judio daw sa Kasuguan taw daw saini ha balaan ha Timplu hurà din pulus, daw impaseled din duun taini ha Timplu sa kenà mga Judio aman nahugawan dan haini.”

Mga Buhat 5:35

Dayun inikagiyan din su mga duma din, “Sinyu sa mga duma ku ha kaliwat hi Israel, hinay-hinayen nuy sa agkabayaan nuy agbuhata duun taini ha mga etaw.

Mga Buhat 7:2

Tuminubag haena, “Mga suled ku daw sinyu sa mga magulang, palilimani a inyu. Su anay sa gamhanan ha Dios migpaahà ki Abraham sa gin-apuan taw su diyà pa haena ta Mesopotamia ha hurà pa magtimà diyà ta Haran

Santiago 2:5

Pinalanggà ku ha mga suled, palilimani nuy haini. Kenà ba iyan pinilì hu Dios sa mga makaluluuy ha etaw dini ta kalibutan ta daw mabuhat sidan ha sapian duun hu pagtuu dan? Daw iyan daan sidan tagharian hu Dios sumalà hu mga saad din duun hu tagpalanggà kandin.