Mga Buhat 17:20 - Lalang Hu Dios

²⁰ Ta napaliman day diyan ta ikaw sa bag-u ha tultulanen daw agkabayà kay ku matun-an day sa kahulugan taena.”

Mga Buhat 17:20 ပူးပေါင်းရင်းမြစ်များ

Marcos 9:10

Pigtiman-an dan gayed haena daw miglalang-lalang sidan ku inu sa kahulugan taena ha pagkabanhaw hu minatay.

Juan 6:60

Su mapaliman haena hu mga sumusunud hi Jesus madakel kandan sa tag-ikagi, “Malegen taw gayed madawat sa intudlù din. Sin-u gid sa tumuu duun?”

Mga Buhat 10:17

Su kamulu din pa taghenhenaaya ku inu sa kahulugan taena ha naahà din ha panan-awen nakauma daan su mga sinugù hi Cornelio diyà ta banuwa daw in-insà dan ku hindu sa balay hi Simon. Su diyà en sidan ta pultahan ku balay din

Mga Buhat 17:19

Aman inuwit dan si Pablo duun hu mga agalen ha mig-amul-amul ha tagngaranan hu Areopago daw bistigaha. Kagi dan, “Mabaluy ba ha matun-an day haini sa bag-u ha tinumanan ha tigtudlù nu?

Mga Buhat 17:21

Sa mga taga-Atenas daw sa mga langyaw ha diyà en tagtimà iyan dà tagbuhaten dan sa pagpanunultul daw sa pagpaliliman hu bag-u ha tultulanen.

Mga Buhat 2:12

Aman nangabeleng gayed sa alan ha mga etaw daw migpainsaay ku inu haena sa naula-ula kandan.

1 Corinto 1:18

Sa tultulanen mahitenged hu kamatayen hi Cristo Jesus duun hu krus ag-isipen hu mga etaw ha tagkangalaag ha bà dà binuang, ba sikuy sa nangaluwas kamatuuran gayed haini ha migpadayag hu gahem hu Dios.

1 Corinto 1:23

Ba sa tigsangyaw day iyan si Cristo sa inlansang duun hu krus, saena agtambagan hu mga Judio daw ag-isipen daan haena hu kenà mga Judio ha bà dà binuang.

1 Corinto 2:14

Sa etaw ha kalibutanen harì agdawat hu tigtudlù hu Balaan ha Ispiritu ha sinugù hu Dios ta harì din haini agkasabut daw ag-isipen din daan ha bà dà binuang, ta sa tagpasabut taini iyan dà gayed sa inulinan hu Balaan ha Ispiritu.

Hebreo 5:11

Madakel pa ngaay sa agkabayaan day ag-ikagiya mahitenged taini, ba malegen ha agsaysayen inyu ta harì kaw pakasabut.

1 Pedro 4:4

Iman saini ha kenà mga tumutuu agkabeleng gayed ta harì kaw en tagtampu kandan duun hu mahugaw ha mga buhat aman tameyesen kaw en kandan.