Mga Buhat 17:2 - Lalang Hu Dios

^2-3 Sumalà hu naanadan hi Pablo sumineled duun taena ha simbahan. Kada Sabadu seled hu tatulu ha simana nakiglalang kandan daw pinamatud-an din pinaagi hu insulat ha lalang hu Dios ha su Misiyas kinahanglan ha mag-antus gayed dayun himatayan ba mabanhaw dà. Inikagiyan sidan hi Pablo, “Si Jesus ha iyan intultul ku diyan ta inyu iyan su Misiyas.”

Mga Buhat 17:2 ပူးပေါင်းရင်းမြစ်များ

Mateo 26:24

Siak sa Batà hu Etaw matay a gayed sumalà hu insulat ha lalang hu Dios mahitenged kanak. Ba kahid-u gayed hu etaw ha maglimbung kanak. Maayad pa ngaay ku hurà en haena ibatà.”

Lucas 4:16

Duminiyà si Jesus ta Nazareth ha duun daan mig-adagi. Sumalà hu batasan din ku Sabadu ha iyan Aldaw hu Paghimlay duminuun haena hu simbahan hu mga Judio. Dayun huminitindeg hu pagbasa hu lalang hu Dios

Juan 18:20

Tuminubag si Jesus, “Impapaliman ku hu kaet-etawan sa katudluanan ku ta duun a man ganì migtudlù hu mga simbahan daw hu Timplu ha duun daan tagkaamul-amul sa kaet-etawan aman hurà gayed nakaheles ha mga lalang ku.

Mga Buhat 13:14

Ba say Pablo duminayun diyà ta Antiokia ha sakup ta Pisidia. Su aldaw hu Sabadu sumineled sidan duun hu simbahan hu mga Judio daw pinuu.

Mga Buhat 14:1

Diyà ta Iconio si Pablo daw si Bernabe sumineled duun hu simbahan hu mga Judio daw migtudlù aman madakel gayed ha mga Judio daw kenà mga Judio sa tuminuu ki Jesus.

Mga Buhat 17:10

Su daleman en si Pablo daw si Silas impahipanaw hu mga tumutuu payanaen diyà ta Berea. Su makauma sidan diyà sumineled sidan duun hu simbahan hu mga Judio.

Mga Buhat 17:17

Aman sumineled duun hu simbahan hu mga Judio daw nakiglalang kandan duma hu alan ha kenà mga Judio ha masinimbahen hu Dios. Bisan duun hu baligyaanan aldaw-aldaw nakiglalang si Pablo hu mga etaw ha naahà din diyà.

Mga Buhat 18:4

Kada Sabadu nakiglalang si Pablo diyà ta simbahan ta daw makabig sa mga Judio daw sa kenà mga Judio duun hu pagtuu ki Jesus.

Mga Buhat 19:8

Tatulu ha bulan sa pagtudlù hi Pablo hu mga etaw duun taena ha simbahan hu mga Judio daw hurà din daan gayed kahaldek hu pagdasig kandan mahitenged hu pagharì hu Dios ta daw makabig sidan.

Mga Buhat 24:25

Ba su tagsaysay en si Pablo mahitenged hu pagkamatareng daw hu pagpugung hu kaugalingen daw sa pakauma ha paghukum hu Dios nahaldek gayed tungkay si Felix. Dayun minikagi, “Hustu en enà hayana. Umawen ku dà ikaw ku amin ku higayun.”

Mga Buhat 28:23

Aman sinabutan dan sa aldaw ha makiglalang sidan ki Pablo. Su mauma en haena madakel gayed sa namanduun hu tagtimaan din. Sugud hu maselem payanaen en hu mahapun si Pablo nanunultul mahitenged hu pagharì hu Dios daw naniguru daan ha makabig din sidan diyà ki Jesus pinaagi hu pagbasa mahitenged kandin duun hu Kasuguan hi Moises daw hu insulat hu mga prupita.

Mga Buhat 8:35

Dayun insaysay kandin hi Felipe sa Maayad ha Tultulanen mahitenged ki Jesus sugud duun taena ha bahin hu lalang hu Dios.

Mga Buhat 9:20

Dayun migtudlù duun hu mga simbahan ha si Jesus Batà hu Dios.

1 Corinto 15:3

Sa intudlù ku inyu ha mahinengdanen gayed iyan sa intudlù daan kanak hu Dios ha si Cristo migpakamatay tumenged hu mga salà taw sumalà hu insulat ha lalang hu Dios