Mga Buhat 17:17 - Lalang Hu Dios

¹⁷ Aman sumineled duun hu simbahan hu mga Judio daw nakiglalang kandan duma hu alan ha kenà mga Judio ha masinimbahen hu Dios. Bisan duun hu baligyaanan aldaw-aldaw nakiglalang si Pablo hu mga etaw ha naahà din diyà.

Mga Buhat 17:17 ပူးပေါင်းရင်းမြစ်များ

Marcos 16:15

Inikagiyan din sidan, “Hipanaw kaw dini ta tibuuk ha kalibutan daw isangyaw nuy sa Maayad ha Tultulanen duun hu alan ha kaet-etawan.

Lucas 12:3

Sa mga lalang ha iyan kaw dà duun tag-ikagi ipanunultul dà asem ku malugay duun hu mga etaw.

Mga Buhat 10:2

Saini bisan ku kenà Judio ba masinimbahen daw matinahuren gayed hu Dios duma hu pamilya din. Kalalagan daan duun hu taglised daw sigi daan tag-ampù duun hu Dios.

Mga Buhat 13:16

Aman si Pablo huminitindeg daw singyasi sa mga etaw ha maghagteng dayun minikagi, “Mga suled ku ha kaliwat hi Israel daw sinyu daan sa alan ha masinimbahen hu Dios, palilimani a inyu.

Mga Buhat 13:43

Su mapengahan en sa pag-amul-amul dan diyà ta simbahan duminuma ki Pablo daw ki Bernabe sa madakel ha mga Judio daw sa kenà mga Judio ha masinimbahen hu Dios ha nakabig duun hu tinuuwan dan. Pigdasig hay Pablo ha harì sidan umendà hu pagsalig duun hu grasya hu Dios.

Mga Buhat 13:50

Ba sa mga tinahud daw masinimbahen ha mga bahi daw sa mga tinahud ha mga maama duun taena ha banuwa pighulhugan hu mga Judio diyà ha pasipalahan dan si Pablo daw si Bernabe, aman binugaw dan say Pablo diyà.

Mga Buhat 8:2

Si Esteban inlebeng hu mga etaw ha masinimbahen hu Dios daw miglugul gayed sidan mahitenged kandin.

Mga Buhat 9:20

Dayun migtudlù duun hu mga simbahan ha si Jesus Batà hu Dios.

2 Timoteo 3:2

Ta sa mga etaw iyan dan dà mahenà-henà sa kandan ha kaugalingen daw balimbayaen sidan hu salapì, tagpaad-adagi daan daw mapasipalahen, masinukulen hu mga laas dan daw harì tagpasalamat, harì daan agtuu hu Dios,

2 Timoteo 3:5

tagpasibù-sibù sidan ha tumutuu hu Dios ba harì dan agbuhaten sa agkabayaan din. Magpadiyù ka duun hu mga etaw ha iling taena.