Mga Buhat 16:14 - Lalang Hu Dios

¹⁴ Sa sabuwa kandan iyan si Lidia ha diyà tagtimà ta Tiatira ha tagpamaligyà hu mahalen ha manggad. Saena masinimbahen hu Dios daw hinimu hu Dios ha dumawat hu tag-ikagiyen hi Pablo.

Mga Buhat 16:14 ပူးပေါင်းရင်းမြစ်များ

Lucas 24:45

Dayun impasabut din kandan sa alan ha insulat ha lalang hu Dios.

Juan 12:20

Amin mga etaw ha Griego ha namandiyà daan ta Jerusalem hu pagsimba taena ha pagsaulug.

Mga Buhat 10:2

Saini bisan ku kenà Judio ba masinimbahen daw matinahuren gayed hu Dios duma hu pamilya din. Kalalagan daan duun hu taglised daw sigi daan tag-ampù duun hu Dios.

Mga Buhat 11:21

Tumenged ta pigpanalanginan hu Dios sa pagpanunultul dan madakel gayed ha mga etaw sa nakabig duun hu pagtuu hu Ginuu.

Mga Buhat 13:43

Su mapengahan en sa pag-amul-amul dan diyà ta simbahan duminuma ki Pablo daw ki Bernabe sa madakel ha mga Judio daw sa kenà mga Judio ha masinimbahen hu Dios ha nakabig duun hu tinuuwan dan. Pigdasig hay Pablo ha harì sidan umendà hu pagsalig duun hu grasya hu Dios.

Mga Buhat 13:50

Ba sa mga tinahud daw masinimbahen ha mga bahi daw sa mga tinahud ha mga maama duun taena ha banuwa pighulhugan hu mga Judio diyà ha pasipalahan dan si Pablo daw si Bernabe, aman binugaw dan say Pablo diyà.

Mga Buhat 16:40

Duminiyà dayun si Pablo daw si Silas ta balay hi Lidia daw dasiga sa mga tumutuu ha naamul diyà, dayun huminipanaw sidan.

Mga Buhat 18:7

Aman inawaan sidan hi Pablo dayun diyà migtimà ta balay hi Titio Justo sa kenà Judio ba masinimbahen hu Dios. Sa balay din diyà dà ta kilid ta simbahan.

Mga Buhat 8:27

Aman duminiyà si Felipe. Su diyà en haena ta dalan naahà din sa sabuwa ha upisyal ha taga-Etiopia ha iyan sinaligan hu alan ha mga butang hu rayna ha si Candace. Suminimba su upisyal diyà ta Jerusalem

Roma 9:16

Aman saini kenà pinaagi hu agkabayaan daw pagpaniguru hu etaw ta pinaagi dà hu kahid-u hu Dios.

Filipos 2:13

ta iyan sa Dios magbulig inyu ta daw mabayaan daw mabaluy nuy daan sa pagtuman hu agkabayaan din.

Impadayag 1:11

ha tagyanaen, “Isulat sa agkaahà nu daw ipauwit duun hu pitu ha iglisia hu tagkaamul-amul ha mga tumutuu ha diyà ta Efeso, daw ta Esmirna, ta Pergamo, Tiatira, ta Sardis, daw ta Filadelfia, daw diyà daan ta Laodicea.”

Impadayag 3:20

Taini ad en ta pultahan sa tagpangumaw. Ku amin makapaliman kanak daw puwaan din sa pultahan sumeled a duun daw salu kandin.

Impadayag 3:7

“Isulat haini duun taena ha balinsuguen hu Dios ha tagbantay hu tagkaamul-amul ha mga tumutuu diyà ta Filadelfia, ‘Iyan a sa kasaligan ha pinilì hu Dios. In-ila kanak sa kagahem hu pagharì iling hu kagahem hi David su anay. Ku amin etaw ha ipaseled ku duun hu tagharian ku hurà bisan sin-u ha makabaldeng taena, daw sa sirahan ku harì daan mapuwaan hu bisan sin-u. Taini sa mga lalang ku inyu.