Mga Buhat 16:13 - Lalang Hu Dios

¹³ Su aldaw hu Sabadu guminuwà kay duun taena ha banuwa daw duminiyà kay ta kilid hu wahig ta nahenà-henà day ha diyà sa alampuanan hu mga Judio. Dayun mininuu kay diyà daw tultuli hu lalang hu Dios sa mga bahi ha tag-amul-amul diyà.

Mga Buhat 16:13 ပူးပေါင်းရင်းမြစ်များ

Mateo 13:2

Tumenged ta madakel tungkay sa mga etaw ha nangaamul-amul diyà ta kandin mininuu haena duun hu barutu na sa mga etaw diyà dà ta gaun hu pagpaliliman kandin.

Marcos 16:15

Inikagiyan din sidan, “Hipanaw kaw dini ta tibuuk ha kalibutan daw isangyaw nuy sa Maayad ha Tultulanen duun hu alan ha kaet-etawan.

Lucas 13:10

Amin aldaw hu Sabadu ha tagpanudlù si Jesus duun hu sabuwa ha simbahan hu mga Judio.

Juan 8:2

Su maselem en luminikù dà diyà ta Timplu. Madakel sa mga etaw ha nangaamul-amul diyà ta kandin aman mininuu daw migtudlù.

Mga Buhat 13:14

Ba say Pablo duminayun diyà ta Antiokia ha sakup ta Pisidia. Su aldaw hu Sabadu sumineled sidan duun hu simbahan hu mga Judio daw pinuu.

Mga Buhat 13:42

Su agguwà en si Pablo daw si Bernabe duun taena ha simbahan hinangyù sidan hu mga etaw ha lumikù dà sidan duun hu isab ha Sabadu ta daw isab dà sidan makapanudlù.

Mga Buhat 16:16

Amin panahun ha su tagduun kay hu alampuanan hu mga Judio nasal-aw day sa bahi ha ulipen ha tinaguan hu busaw aman tagpanagnà haena daw iyan igpakasalapì hu mga agalen din.

Mga Buhat 16:6

Tumenged ta binaldeng say Pablo hu Balaan ha Ispiritu hu pagpanunultul hu lalang hu Dios diyà ta prubinsya ta Asia, duun sidan nakaagi hu mga banuwa ha sakup ta Frigia daw Galacia.

Mga Buhat 17:2

Sumalà hu naanadan hi Pablo sumineled duun taena ha simbahan. Kada Sabadu seled hu tatulu ha simana nakiglalang kandan daw pinamatud-an din pinaagi hu insulat ha lalang hu Dios ha su Misiyas kinahanglan ha mag-antus gayed dayun himatayan ba mabanhaw dà. Inikagiyan sidan hi Pablo, “Si Jesus ha iyan intultul ku diyan ta inyu iyan su Misiyas.”

Mga Buhat 18:4

Kada Sabadu nakiglalang si Pablo diyà ta simbahan ta daw makabig sa mga Judio daw sa kenà mga Judio duun hu pagtuu ki Jesus.

Mga Buhat 20:7

Su sumalep en sa aldaw duun hu Sabadu naamul-amul kay sa alan ha mga tumutuu hu pagkaen daw hu paghenà-henà taena ha kamatayen hi Jesus. Si Pablo migwali taman hu liwarà sa daleman ta ku maselem agdayun dà haena aghipanaw.

Mga Buhat 21:5

Ba su mauma en sa panahun ha aghipanaw kay en sa alan ha mga tumutuu duma hu mga pamilya dan nanulud kanay diyà ta dagat. Diyà ta baybay taena namanluhud kay daw mig-ampù.

Mga Buhat 9:20

Dayun migtudlù duun hu mga simbahan ha si Jesus Batà hu Dios.

Galacia 3:28

Iman hurà en kalainan hu mga Judio daw hu kenà mga Judio, sa mga ulipen daw sa kenà, sa mga maama daw sa mga bahi, tumenged ta sabuwa kaw dà pinaagi hu pagpakigsabuwa nuy ki Cristo Jesus.

Colosas 1:23

Ba kinahanglan ha malig-en gayed sa pagtuu nuy daw harì kaw umendà duun hu taghinamen ha napaliman nuy en. Saini ha Maayad ha Tultulanen ha napaliman nuy insangyaw duun hu bisan hindu daw iyan a si Pablo sa sinaligan hu Dios hu pagpanunultul taini.