Mga Buhat 15:12 - Lalang Hu Dios

¹² Nakahagteng sa alan ha naamul-amul su tagpaliliman sidan hu tultulanen hi Bernabe daw hi Pablo mahitenged hu mga timaan daw belenganen ha impaahà hu Dios pinaagi kandan duun hu kenà mga Judio.

Mga Buhat 15:12 ပူးပေါင်းရင်းမြစ်များ

Juan 4:48

Ba inikagiyan haena hi Jesus, “Imbà kaw daw dà agtuu kanak ku makaahà kaw dà hu mga belenganen?”

Mga Buhat 14:27

Su makauma sidan diyà inamul dan sa alan ha mga tumutuu daw tultuli hu alan ha binuhat hu Dios pinaagi kandan daw ku inu sa paagi ha binuhat din ta daw makatuu sa kenà mga Judio.

Mga Buhat 15:3

Dayun impahipanaw sidan hu mga tumutuu. Duun sidan nakaagi hu mga prubinsya ta Fenicia daw ta Samaria daw intultul dan ku nainu-inu sa pagpakatuu hu kenà mga Judio. Aman adagi gayed sa kalipay hu alan ha mga tumutuu diyà.

Mga Buhat 15:4

Su makauma en sidan diyà ta Jerusalem dinawat sidan hu mga tumutuu daw hu mga apustulis daw hu mga agalen hu mga tumutuu. Dayun intultul dan sa alan ha binuhat hu Dios pinaagi kandan.

Mga Buhat 21:19

Duun taena intultul kandan hi Pablo sa alan ha binuhat hu Dios duun hu kenà mga Judio pinaagi hu pagtudlù din.

Roma 15:18

Ba sa matultul ku iyan dà sa binuhat hi Cristo pinaagi kanak ta migmatinumanen duun hu Dios sa kenà mga Judio tumenged hu mga lalang daw hu mga buhat ku,