Mga Buhat 13:9 - Lalang Hu Dios

⁹ Ba si Saulo ha pigngaranan daan ki Pablo ha tinaguan hu Balaan ha Ispiritu migtengteng diyà ta kandin

Mga Buhat 13:9 ပူးပေါင်းရင်းမြစ်များ

Mateo 10:20

ta sa ag-ikagiyen nuy kenà inyu ha lalang ba kandin en hu Balaan ha Ispiritu ha sinugù hu Dios ha Amay nuy.

Marcos 3:5

Mighelaw-helaw diyà ta kandan si Jesus ha napauk, ba naguul daan tumenged ta madesen sa henà-henà dan. Dayun inikagiyan din su etaw ha nakimay, “Bunhata sa alima nu.” Aman binunhat din haena dayun sagunà naulian.

Marcos 8:25

Dinampà en paman hi Jesus sa mata ku buta dayun naulian haena daw panday en nakaindan.

Lucas 20:17

Ba uminahà si Jesus diyà ta kandan daw nanginginsà, “Ku iyan hayan inu diay sa kahulugan hu insulat ha lalang hu Dios ha tagyanaen, ‘Sa batu ha bà dà inlambeg ta abi hu mga tagbalay ha hurà din pulus iyan man diay mahinengdanen ta iyan pakapalig-en hu balay.’

Mga Buhat 2:4

Dayun inulinan sidan hu Balaan ha Ispiritu daw nakaikagi sidan hu migkalain-lain ha inikagiyan sumalà hu impaikagi hu Balaan ha Ispiritu kandan.

Mga Buhat 4:31

Su makapenga sidan mag-ampù nahuyung su balay ha pig-amul-amulan dan. Dayun inulinan sidan hu Balaan ha Ispiritu aman hurà dan en gayed kahaldek hu pagpanunultul hu lalang hu Dios.

Mga Buhat 4:8

Dayun si Pedro sa inulinan hu Balaan ha Ispiritu uminikagi diyà ta kandan, “Sinyu sa mga agalen daw mga magulang,

Mga Buhat 7:55

Ba si Esteban sa inulinan hu Balaan ha Ispiritu huminangad diyà ta langit daw naahà din sa pagpangaluanlag hu Dios daw naahà din daan si Jesus sa tagtiyadeg duun hu kawanan hu Dios.