Mga Buhat 13:47 - Lalang Hu Dios

⁴⁷ ta iyan haini inikagi kanay hu Dios, ‘Pinilì ku inyu ha sulù ha makailaw duun hu mga etaw ha kenà Judio ta daw pinaagi hu pagpanunultul nuy maluwas sa kaet-etawan dini ta tibuuk ha kalibutan.’”

Mga Buhat 13:47 ပူးပေါင်းရင်းမြစ်များ

Mateo 28:19

Aman hipanaw kaw duun hu bisan hindu daw tultuli nuy sa mga etaw duun hu alan ha mga nasud ta daw mabuhat sidan ha sumusunud ku. Bautismuwi nuy sidan pinaagi hu ngaran hu Dios ha Amay daw hu ngaran ku siak sa Batà din daw hu ngaran hu Balaan ha Ispiritu,

Marcos 16:15

Inikagiyan din sidan, “Hipanaw kaw dini ta tibuuk ha kalibutan daw isangyaw nuy sa Maayad ha Tultulanen duun hu alan ha kaet-etawan.

Lucas 2:32

Iyan haini makailaw hu henà-henà hu kenà mga Judio ta daw matulen dan sa kamatuuran, daw pinaagi kandin sikay sa mga kaliwatan hi Israel madayè daan hu kaet-etawan.”

Lucas 24:47

Aman agsuguen ku inyu ha isangyaw nuy duun hu kaet-etawan sugud ta Jerusalem payanaen hu alan ha mga nasud ha ku maghinulsul sidan mapasaylu gayed sa mga salà dan.

Mga Buhat 1:8

Ba gaheman kaw hu Dios ku maulinan kaw en hu Balaan ha Ispiritu daw iyan kaw gayed makapanunultul mahitenged kanak dini ta Jerusalem daw duun hu alan ha banuwa diyà ta Judea daw ta Samaria daw dini ta tibuuk ha kalibutan.”

Mga Buhat 22:21

“Ba minikagi sa Ginuu dini ta kanak, ‘Hipanaw ka ta agsuguen ku ikaw duun hu kenà mga Judio duun hu mga madiyù ha lugar.’”

Mga Buhat 26:23

ha su Misiyas kinahanglan ha mag-antus gayed daw matay. Ba iyan daan mauna mabanhaw ha harì en isab matay daw iyan manunultul duun hu mga Judio daw hu kenà ta daw mailawan sa henà-henà dan mahitenged hu pagluwas kandan hu Dios.”

Mga Buhat 9:15

Ba inikagiyan hu Ginuu si Ananias, “Dumiyà ka ta pinilì ku haena hu pagpanunultul mahitenged kanak duun hu mga etaw ha kenà Judio daw hu mga harì daw hu mga kaliwatan hi Israel.