Mga Buhat 13:36 - Lalang Hu Dios

³⁶ “Natun-an taw ha si David sa migmatinumanen hu Dios minatay daw inlebeng duma hu mga gin-apuan din daw naledak sa lawa din.

Mga Buhat 13:36 ပူးပေါင်းရင်းမြစ်များ

Mateo 25:16

Su sinaligan ha inilahan hu lalima ha libu sagunà din dà haena impatigayun aman nakaganansiya hu lalima daan ha libu.

Juan 11:39

aman suminugù si Jesus, “Awaa nuy haini sa batu.” Ba si Marta sa suled hi Lazaro minikagi, “Ginuu, mahudù en iman hayana ta haepat en ha aldaw sa kalebenga kandin.”

Mga Buhat 13:22

Su awaen en hu Dios si Saulo hu pagkaharì pinilì din si David ha iyan en paman magharì kandan. Sa Dios minikagi mahitenged kandin, ‘Si David sa batà hi Jesse nabayà-bayaan ku ta matinumanen gayed kanak.’

Mga Buhat 2:29

“Mga suled, natun-an taw ha sa bantugan ha gin-apuan taw ha si David nalugay en sa kapatay din daw agkatulen taw pa iman sa lebeng din.

Mga Buhat 20:27

ta intudlù kud en inyu sa alan ha agkabayaan hu Dios.

Mga Buhat 7:60

Dayun luminuhud daw minikagi hu madaging, “Ginuu, harì nu ag-isipa ha salà dan haini.” Su maikagi din en haena minatay dayun.

Mga Buhat 8:1

Si Saulo nabayà-bayà gayed hu kahimatayi ki Esteban. Duun taena ha aldaw migsugud sa kapasipalahi hu mga tumutuu diyà ta Jerusalem aman nakagsusuwayà sidan duun hu mga banuwa diyà ta Judea daw ta Samaria. Iyan dà hurà makapulaguy sa mga apustulis.

1 Corinto 15:18

daw saena ha mga tumutuu ki Cristo ha namamatay en hurà diay sidan kaluwas duun hu silut.

1 Corinto 15:6

Daw amin panahun ha nangaamul-amul sa subra ha lalima ha gatus ha sumusunud din dayun migpaahà haena diyà ta kandan, sa kadakelà kandan bubuhay pa ba sa duma minatay en.

1 Tesalonica 4:13

Mga suled, kinahanglan ha matun-an nuy sa mahitenged hu mga duma taw ha namamatay en ta daw harì kaw maglugul iling hu duma ha hurà dan paghinam.