Mga Buhat 13:27 - Lalang Hu Dios

²⁷ Ba sa mga Judio diyà ta Jerusalem daw sa mga agalen hurà dan kakilala si Jesus ha iyan diay sinugù hu Dios, ba pinaagi hu kahukumi dan kandin hu kamatayen natuman dan sa insulat hu mga prupita ha tagbasahen kada Sabadu.

Mga Buhat 13:27 ပူးပေါင်းရင်းမြစ်များ

Mateo 22:29

Ba inikagiyan sidan hi Jesus, “Maal en sa tag-ikagiyen nuy tumenged ta hurà nuy katun-i sa insulat ha lalang hu Dios daw sa pagkagamhanan din.

Lucas 22:34

Ba tinubag hi Jesus, “Pedro, ikagiyen ku ikaw ha kanina ku harì pa managauk sa manuk katatulu kad en makaikagi ha harì a ikaw agkakilala.”

Lucas 23:13

Inamul-amul hi Pilato sa mga labaw ha sinaligan hu paghalad daw sa duma ha mga agalen daw sa kaet-etawan

Lucas 24:20

Ba intugyan hu mga labaw ha sinaligan hu paghalad daw hu duma ha mga agalen taw ta daw mahukuman hu kamatayen dayun inlansang duun hu krus.

Juan 15:21

Pasipalahan kaw gayed kandan tumenged ta mga etaw ku inyu daw hurà dan kakilala sa Amay ku ha migsugù kanak.

Juan 16:3

Agbuhaten dan haena ta siak daw sa Amay ku hurà dan kakilala.

Juan 5:39

Tagtuen kaw gayed hu lalang hu Dios ta kagi nuy ha iyan haena makaila inyu hu kinabuhì ha hurà din katapusan. Ba saena ha lalang din iyan daan makapanistigus mahitenged kanak,

Juan 8:28

Aman inikagiyan sidan hi Jesus, “Siak sa Batà hu Etaw ku itaud a duun hu kayu daw ipatangkaw human nuy en kakilala ku sin-u a, daw matun-an nuy en ha hurà ku gayed mahimu hu kanak dà ha gahem ba sa tag-ikagiyen ku iyan gayed su intudlù kanak hu Dios ha Amay ku.

Mga Buhat 15:21

Ta sugud dà su anay iyan en haini Kasuguan hi Moises ha tagbasahen daw tigtudlù duun hu mga simbahan kada Sabadu.”

Mga Buhat 28:23

Aman sinabutan dan sa aldaw ha makiglalang sidan ki Pablo. Su mauma en haena madakel gayed sa namanduun hu tagtimaan din. Sugud hu maselem payanaen en hu mahapun si Pablo nanunultul mahitenged hu pagharì hu Dios daw naniguru daan ha makabig din sidan diyà ki Jesus pinaagi hu pagbasa mahitenged kandin duun hu Kasuguan hi Moises daw hu insulat hu mga prupita.

Mga Buhat 3:17

“Iman mga suled, natun-an ku ha saena binuhat nuy duma hu mga agalen ta hurà nuy kakilala ku sin-u si Jesus.

Roma 11:25

Mga suled, agkabayaan ku ha matun-an nuy haini sa inlilung su anay ta daw harì kaw makagpasigalbu. Sa kadakelà iman hu mga Judio hurà pa tuu hangtud ha mauma sa panahun ha makatuu en sa alan ha kenà mga Judio ha daan en natun-an hu Dios ha tumuu.

1 Corinto 2:8

Sa mga agalen duun taini ha panahun hurà gayed makasabut taena, ta ku natun-an dan pa harì dan ngaay ilansang sa Ginuu duun hu krus ha iyan labaw hu alan.

2 Corinto 3:14

Duun taena natambunan sa madesen ha henà-henà dan daw bisan iman ku tagbasa sidan taena ha daan ha kasabutan harì dan gihapun agkasabut. Iyan dà sa pagtuu diyà ki Cristo pakaawà hu intambun duun hu henà-henà hu etaw ta daw makasabut.

2 Corinto 4:4

Hurà sidan tuu ta tinambunan hi Satanas sa henà-henà dan ta daw harì sidan mailawan hu Maayad ha Tultulanen mahitenged hu pagkagamhanan hi Cristo sa iling hu Dios.

1 Timoteo 1:13

Bisan ku pigtameyes ku si Cristo Jesus daw pinasipalahan ku daan sa mga tumutuu su anay ba nahid-uwan a dà hu Dios ta nabuhat ku haena sa madaet tumenged ta hurà a pa makakilala daw hurà a pa daan makatuu ki Jesus.