Mga Buhat 13:2 - Lalang Hu Dios

² Amin aldaw ha suminalang sidan hu pagkaen ta daw harì maelangan sa pagsimba dan hu Dios. Inikagiyan sidan hu Balaan ha Ispiritu, “Pilia nuy si Bernabe daw si Saulo ta amin buluhaten ha intagana ku kandan.”

Mga Buhat 13:2 ပူးပေါင်းရင်းမြစ်များ

Mateo 17:21

Ba saena ha klasi hu busaw mabugaw pinaagi dà gayed hu harì agkaelangan ha pag-ampù.”

Mateo 6:16

“Ku sumalang kaw hu pagkaen harì kaw tagsamed-engà iling hu mga etaw ha bà dà tagpasibù-sibù, ta tagbuhaten dan haena hu bà dà pagpaahà ha tagsalang sidan hu pagkaen. Laus gayed sa tag-ikagiyen ku inyu ha nadawat dan en sa bales kandan.

Mateo 9:38

Aman humangyù kaw duun hu Dios ha suguen din sa mamanlegtay taini ha uma din.”

Lucas 10:1

Su maiwas en haena pinilì hi Jesus su kapituwan daw daruwa ha sumusunud din daw sinugù din sidan ha tigdaruwa ha dumuun hu alan ha mga banuwa ha ag-elegan din daan.

Mga Buhat 10:19

Su kamulu pa taghenhenaay si Pedro taena ha naahà din inikagiyan hu Balaan ha Ispiritu, “Amin tatulu ha etaw ha tagpan-ahà ikaw.

Mga Buhat 10:30

Tuminubag si Cornelio, “Haepat en iman ha aldaw su mag-ampù a dini ta balay ha agkabalalay en sa aldaw duun taena iling iman, tigkan nakauma dini ta kanak sa etaw ha tagpangaluanlag sa bisti din.

Mga Buhat 13:3

Su maiwas en sa pag-ampù dan daw sa pagsalang dan hu pagkaen pinagaheman si Bernabe daw si Saulo pinaagi hu pagdampà dan kandan dayun impahipanaw sidan.

Mga Buhat 13:4

Impahipanaw hu Balaan ha Ispiritu si Bernabe daw si Saulo daw dinuma dan si Juan ha tagngaranan daan ki Marcos ta daw makabulig kandan. Aman duminiyà sidan ta Seleucia daw lulan hu barku payanaen ta pulù ta Cipro. Su makauma sidan diyà ta Salamina intultul dan sa lalang hu Dios duun hu mga simbahan hu mga Judio.

Mga Buhat 14:26

Diyà ta Atalia luminulan sidan hu barku daw likù ta Antiokia ha duun sidan su anay inampui hu mga tumutuu ha buligan sidan hu Dios duun hu buluhaten ha insugù din kandan ha iman napengahan dan en.

Mga Buhat 20:28

Aman magbantay kaw gayed duun hu pagtuu nuy daw alimahi sa mga tumutuu ha insalig inyu hu Balaan ha Ispiritu ta naangken sidan hu Dios pinaagi hu langesa hu Batà din.

Mga Buhat 22:21

“Ba minikagi sa Ginuu dini ta kanak, ‘Hipanaw ka ta agsuguen ku ikaw duun hu kenà mga Judio duun hu mga madiyù ha lugar.’”

Mga Buhat 4:36

Sa sabuwa kandan iyan sa kaliwat hi Levi ha taga-Cipro ha tagngaranan ki Jose ba pigdagnayan hu mga apustulis ki Bernabe ta sa kahulugan taena Tigdasig.

Mga Buhat 6:4

ta daw sikay sa mga apustulis iyan dà mapaniguruwan day pagbuhat sa pag-ampù daw sa pagtudlù hu lalang hu Dios.”

Mga Buhat 8:29

Dayun inikagiyan hu Balaan ha Ispiritu si Felipe, “Ubay ka diyà tayà ha kalisa.”

Mga Buhat 9:15

Ba inikagiyan hu Ginuu si Ananias, “Dumiyà ka ta pinilì ku haena hu pagpanunultul mahitenged kanak duun hu mga etaw ha kenà Judio daw hu mga harì daw hu mga kaliwatan hi Israel.

Roma 1:1

Iyan a si Pablo sa migsulat taini. Suluguen a hi Cristo Jesus daw pinilì a hu Dios ha apustul hu pagsangyaw hu Maayad ha Tultulanen. Sa Maayad ha Tultulanen insaad hu Dios su anay duun hu insulat ha lalang din pinaagi hu mga prupita.

Roma 10:15

Daw in-inuwen man hu etaw sa pagpanunultul ku hurà magsugù kandan? Ba amin sinugù ta sa insulat ha lalang hu Dios tagyanaen, “Madagway gayed ta amin agpakauma ha magsangyaw hu Maayad ha Tultulanen.”

Roma 15:16

ha suluguen hi Cristo Jesus duun hu kenà mga Judio. Iling a hu sinaligan hu paghalad tumenged hu pagsangyaw ku hu Maayad ha Tultulanen ha napuun duun hu Dios ta daw tumenged hu pagtuu taena ha kenà mga Judio mabayà-bayaan sidan hu Dios isip ha halad ha mahimpit pinaagi hu Balaan ha Ispiritu.

1 Corinto 12:11

Saini alan duun napuun hu Balaan ha Ispiritu ha in-ila hu kada sabuwa sumalà hu pagbayà hu Dios.

1 Corinto 7:5

Sinyu sa mig-asawa, kinahanglan ha harì kaw magpabalibarà ku hurà nuy daan nasabutan ha panahun hu pag-ampù. Ba ku mapenga haena buhaten nuy gihapun sa pag-asawa nuy ta daw harì kaw masulayan hi Satanas tumenged ta harì kaw pakapugung hu kaugalingen nuy.

2 Corinto 11:27

Napedà-pedaan a daan hu pagtrabahu daw tagkapulangà a, nauhul daw nalauwan a. Mahies ad en harì pakakaen daw agkatinuan a daan ta hurà ku bisti.

2 Corinto 6:5

Binunalan daw pig-prisu kay, pinasipalahan kay daan hu tagsinamuk ha mga etaw. Amin panahun ha malegen gayed sa trabahu day, usahay agkapulang kay daw hurà day pagkaen.

Galacia 1:15

Ba tumenged hu grasya hu Dios pinilì a kandin ha suluguen din bisan su hurà a pa ibatà.

Efeso 3:7

Tumenged hu grasya hu Dios kanak daw pinaagi hu gahem din nabuhat a ha suluguen ta daw makasangyaw ku sa Maayad ha Tultulanen.

Colosas 4:17

Ikagiyi nuy si Arquipo ha pengahen din gayed sa buluhaten ha insalig kandin hu Ginuu.

1 Timoteo 2:7

Iyan haini hinengdan ha pinilì a kandin ha apustul duun hu kenà mga Judio ta daw makatuu sidan pinaagi hu pagsangyaw daw pagpanudlù ku hu kamatuuran. Laus gayed haini sa inikagi ku.

2 Timoteo 1:11

Pinilì a hu Dios ha apustul ta daw magsangyaw daw manudlù a taini ha Maayad ha Tultulanen

2 Timoteo 2:2

Sa nangapaliman nu ha intudlù ku duun hu madakel ha mga etaw isalig daan duun hu mga etaw ha agkasaligan nu ha magtudlù daan duun hu duma ha mga etaw.

2 Timoteo 4:11

Iyan dà iman dini ta kanak si Lucas. Aman dumaha nu dini si Marcos ta mapuslanen haena hu pagbulig kanak.

2 Timoteo 4:5

Ba sikaw magpugung ka gayed hu kaugalingen nu daw dawata sa mga alantusen, dayuna daan sa pagsangyaw hu Maayad ha Tultulanen daw tumana sa katengdanan nu ha in-ila ikaw hu Dios.

Hebreo 5:4

Hurà gayed etaw ha iyan en tagpilì hu kaugalingen din ha mahimu ha iyan tungkay labaw ha sinaligan hu paghalad ta sa Dios iyan dà tagpilì taena iling hu kapilia din ki Aaron.