Mga Buhat 13:13 - Lalang Hu Dios

¹³ Si Pablo daw sa mga duma din uminawà diyà ta Papos daw lulan hu barku payanaen ta Perga ha sakup ta Pamfilia. Su makauma sidan diyà inawaan sidan hi Juan Marcos ta uminulì en haena diyà ta Jerusalem.

Mga Buhat 13:13 ပူးပေါင်းရင်းမြစ်များ

Mga Buhat 12:12

Aman duminayun haena diyà ta balay hi Maria sa inay hi Juan ha tagngaranan daan ki Marcos ha duun mig-amul-amul sa madakel ha mga tumutuu hu pag-ampù.

Mga Buhat 15:36

Su pila en ha aldaw inikagiyan hi Pablo si Bernabe, “Likuan ta su mga banuwa ha pigsangyawan ta hu lalang hu Dios su anay ta daw masusi ta ku agkainu-inu en iman sa pagtuu dan.”

Mga Buhat 15:38

Ba si Pablo harì agkabayà ha dumuma haena kandan ta su anay ha diyà pa sidan ta Pamfilia uminendà haena hu pagbulig kandan daw ulì.

Mga Buhat 2:10

Sa duma mga taga-Frigia daw mga taga-Pamfilia, mga taga-Ehipto daw duun nangapuun hu mga banuwa diyà ta Libya ha ubay ta Cirene. Sa duma mga langyaw ha sakup ta Roma ha sa duma mga Judio daw sa duma daan mga kinabig duun hu tinuuwan hu mga Judio.

Mga Buhat 27:13

Su mahinay en sa kalamag nahenhenaan dan ha dumayun kay en diyà ta Fenice aman binutwà dan su angkla daw duminayun kay ba migpakilid kay duun taena ha pulù ta Creta.

Mga Buhat 27:5

Su malayun day en sa dagat ha atbang hu mga prubinsya ta Cilicia daw Pamfilia nakadunggù kay diyà ta Mira ha sakup ta Licia.

Colosas 4:10

Agpangamusta inyu si Aristarco sa duma ku ha naprisu daw si Marcos sa ig-agaw hi Bernabe. Natun-an nuy en sa mga tugun day inyu aman ku makauma diyan si Marcos dawata nuy gayed.

2 Timoteo 4:11

Iyan dà iman dini ta kanak si Lucas. Aman dumaha nu dini si Marcos ta mapuslanen haena hu pagbulig kanak.