Mga Buhat 12:4 - Lalang Hu Dios

⁴ Su madakep en si Pedro impaprisu din daw pinabantayan hu haepat ha punduk hu mga sundalu ha tighaepat sa kada punduk duun, ta sa henà-henà din ha ku maiwas sa pagsaulug hu Aldaw hu Paglabay agbistigahen si Pedro duun hu atubangan hu kaet-etawan.

Mga Buhat 12:4 ပူးပေါင်းရင်းမြစ်များ

Mateo 24:9

“Dayun kuntrahen kaw hu alan ha kaet-etawan tumenged kanak daw itugyan kaw duun hu magpasipala inyu daw maghimatay inyu.

Mateo 26:5

Ba minikagi sidan, “Harì taw dakepen duun hu pagsaulug ta kan ku magubut sa mga etaw.”

Marcos 14:1

Su daruwa dà paman ha aldaw na iyan en sa pagsaulug hu Aldaw hu Paglabay daw hu Pagkaen hu Supas ha Hurà Duun Igpatulin, sa mga labaw ha sinaligan hu paghalad daw sa mga manunudlù hu Kasuguan nan-ahà hu paagi hu pagdakep ki Jesus ha harì matun-an hu mga etaw ta daw mapatay dan. Ba minikagi sidan,

Lucas 21:12

“Ba sa harì pa haena mahitabù dakepen daw pasipalahan kaw. Itugyan kaw daan kandan duun hu maghukum inyu duun hu mga simbahan daw maprisu kaw. Ipaatubang kaw daan duun hu mga harì daw hu mga gubirnadur tumenged hu pagtuu nuy kanak.

Lucas 22:33

Dayun tuminubag si Pedro, “Ginuu, andam ad en hu pagduma ikaw diyà ta prisuhan daw bisan pa duun hu kamatayen.”

Juan 19:23

Su makalansang en si Jesus tinimù hu mga sundalu sa pinaksuy din daw bahina hu haepat. Tinimù dan daan su pinaksuy din ha hurà duun tinahian

Juan 21:18

Laus gayed sa ag-ikagiyen ku ha su batan-en ka pa pakabaluy kad en tagpinaksuy hu kaugalingen nu daw bisan hindu ka duun agpayanaen agkabaluy nu. Ba ku malaas ka asem makapangindedepa ka daw lain en sa magpinaksuy ikaw daw uwiten ka duun hu agtambagan nu ha lugar.”

Mga Buhat 12:3

Su matun-an hi Herodes ha saena nabayà-bayaan hu mga Judio impadakep din daan si Pedro. Panahun haena ha agsaulugen dan sa Pagkaen hu Supas ha Hurà Duun Igpatulin.

Mga Buhat 12:5

Aman binantayan gayed haena diyà ta prisuhan. Ba sa mga tumutuu naniguru gayed hu pag-ampù duun hu Dios mahitenged kandin.

Mga Buhat 4:28

Binuhat dan sa daan nud en nahenà-henà ha mahitabù.

Mga Buhat 4:3

Aman dinakep dan si Pedro daw si Juan daw prisuwa hu nangkadaleman ta agkahapun en haena.

Mga Buhat 5:18

aman dinakep dan sa mga apustulis daw prisuwa.

Mga Buhat 8:3

Ba si Saulo pinasipalahan din gayed sa mga tumutuu. Pinanlatunan din sa kada balay daw pandakepa sa mga maama daw sa mga bahi dayun impaprisu din sidan.