Mga Buhat 11:3 - Lalang Hu Dios

³ Kagi dan, “Imbà ka diyà ta balay taena ha kenà Judio daw makigsalu kandan?”

Mga Buhat 11:3 ပူးပေါင်းရင်းမြစ်များ

Mateo 9:11

Su maahà haena hu mga Parisiyu nanginginsà sidan duun hu mga tinun-an hi Jesus, “Imbà sa Manunudlù nuy pakigsalu ku mga limbungan ha manunukut hu buhis daw hu mga masinupaken?”

Lucas 15:2

Ba sa mga Parisiyu daw sa mga manunudlù hu Kasuguan migtamudmud hu kagi dan, “Saini ha etawa nakigduma-duma hu mga makasasalà daw nakigsalu kandan.”

Juan 18:28

Su maselem pa si Jesus inuwit en ku mga agalen hu Judio duun ku balay hu gubirnadur ha napuun ta balay hi Caifas. Ba sa mga agalen diyà dà nataman ta guwà taena ha balay ta daw harì dan malapas sa tulumanen hu mga Judio hu pagsaulug taena ha Aldaw hu Paglabay.

Mga Buhat 10:23

Aman su mga sinugù impadayun hi Pedro diyà ta seled ta balay. Su maisab ha aldaw duminuma si Pedro kandan daw amin daan mga tumutuu ha taga-Jope ha duminuma kandin.

Mga Buhat 10:28

Inikagiyan din sidan, “Natun-an nuy en ha sikay sa mga Judio hurà kay tuguti ha makiglabet-labet hu kenà mga Judio bisan sa pagpamisita kandan. Ba impadayag kanak hu Dios ha hurà ku gayed isipen ha mahugaw ha etaw.

Mga Buhat 10:32

Aman paelegi nu diyà ta Jope si Simon ha tagngaranan daan ki Pedro ha diyà tagtimà ta ubay ta dagat duun hu balay hi Simon ha mamumuhatà hu bisan inu pinaagi hu anis.’

Mga Buhat 10:48

Aman inikagiyan hi Pedro sa mga kenà Judio ha magpabautismu gayed pinaagi hu ngaran hi Cristo Jesus. Dayun hinangyù dan si Pedro ha magtimà pa diyà ta kandan hu pila ha aldaw.

1 Corinto 5:11

Ba sinulatan ku inyu ha harì kaw maglabet-labet taena ha tag-ikagi ha tumutuu sidan ba tagbuhat hu malaw-ay daw agapan, tagsimba hu mga diyus-diyus daw agpandaet hu dengeg, beleng-beleng daw limbungan. Harì kaw ganì daan makigsalu kandan hu pagkaen.

Galacia 2:12

Ta su hurà pa makauma diyà sa mga sinugù hi Santiago nakigsalu si Pedro hu kenà mga Judio. Ba su makauma en su mga etaw uminendà si Pedro hu pagkaen duma kandan ta nahaldek hu mga Judio ha tagtudlù ha kinahanglan ha sirkunsidahan sa agtuu.

2 Juan 1:10

Ku amin makadiyan ta inyu ha tagtudlù hu kenà kamatuuran harì nuy agdawata