Mga Buhat 10:9 - Lalang Hu Dios

⁹ Su maugtu en duun hu isab ha aldaw ha ubay en su mga sinugù hi Cornelio diyà ta banuwa si Pedro duminuun hu atep ku balay hu pag-ampù.

Mga Buhat 10:9 ပူးပေါင်းရင်းမြစ်များ

Mateo 20:5

Aman saena ha mga etaw migtrabahu dayun. “Amin pa daan impatrabahu din su agkaugtu en daw su agkabalalay en sa aldaw.

Mateo 24:17

Sa mga etaw diyà ta atep hu balay dan harì en lumugnà hu pagtimù hu mga butang dan.

Mateo 27:45

Su maugtu en sa aldaw suminukilem sa tibuuk ha kalibutan hu tatulu ha uras.

Mateo 6:6

Ku mag-ampù kaw dumuun kaw hu lugar ha hurà makaahà inyu daw mag-ampù kaw duun hu Dios ha Amay nuy ha harì nuy agkaahà. Dayun sa Dios ha pakaahà hu alan iyan en magbales inyu.

Marcos 1:35

Su madani en agkaaldaw si Jesus duminuun, pinakabulung-bulung ha lugar daw mig-ampù diyà,

Marcos 6:46

Su maipus en sidan si Jesus duminuun hu buntud ta pag-ampù.

Mga Buhat 10:3

Amin panahun ha su agkabalalay en sa aldaw amin din panan-awen ha tagdiyà ta kandin sa balinsuguen hu Dios ha minikagi, “Cornelio.”

Mga Buhat 6:4

ta daw sikay sa mga apustulis iyan dà mapaniguruwan day pagbuhat sa pag-ampù daw sa pagtudlù hu lalang hu Dios.”

Efeso 6:18

Duun hu bisan inu ha panahun mag-ampù kaw pinaagi hu Balaan ha Ispiritu daw hangyua nuy sa bulig hu Dios. Magpangandam kaw gayed daw harì kaw umendà hu pag-ampù mahitenged hu alan ha tumutuu.

1 Timoteo 2:8

Sa agkabayaan ku iyan sa bisan hindu tag-amul-amul sa mga tumutuu iyan gayed sa mga maama mag-ampù, ba kinahanglan ha mahimpit gayed sidan, hurà kapauk daw pagduwa-duwa duun hu henà-henà dan.