Mga Buhat 1:13 - Lalang Hu Dios

¹³ Su makauma sidan diyà namanlatun sidan payanaen duun ku kuwartu diyà ta sampaw taena ha balay ha taghulabungan dan. Iyan haena si Pedro daw si Juan, si Santiago daw si Andres, si Felipe daw si Tomas, si Bartolome daw si Mateo, si Santiago ha batà hi Alfeo, si Simon sa Patriyuta daw si Judas ha batà hi Santiago.

Mga Buhat 1:13 ပူးပေါင်းရင်းမြစ်များ

Mateo 9:9

Su dumayun si Jesus naahà din sa tagpinuu ha tagpanukut hu buhis ha tagngaranan ki Mateo. Inikagiyan din haena, “Dumuma ka kanak” aman huminitindeg si Mateo daw duma kandin.

Marcos 14:15

Ipaahà din dayun inyu sa maluag ha kuwartu diyà ta latun taena ha balay din ha inandaman en hu mga galamiten hu pagkaen na duun kaw taena pangandam para kanuy.”

Marcos 14:33

Dinuma din si Pedro, si Santiago daw si Juan. Suminakit gayed sa gahinawa din hu kalugul

Marcos 2:14

Su taghipanaw si Jesus naahà din sa tagpinuu ha tagpanukut hu buhis ha tagngaranan ki Levi sa batà hi Alfeo. Inikagiyan din haena, “Dumuma ka kanak” aman huminitindeg si Levi daw duma kandin.

Marcos 5:37

Iyan din dà dinuma si Pedro, si Santiago daw sa suled taena ha si Juan.

Marcos 9:2

Su maiwas en sa haenem ha aldaw dinuma hi Jesus si Pedro, si Santiago, daw si Juan duun hu matangkaw ha bubungan ha iyan dà sidan. Duun hu atubangan dan tigkan nahalin si Jesus.

Lucas 22:12

Ipaahà din dayun inyu sa maluag ha kuwartu diyà ta latun taena ha balay din ha inandaman en hu mga galamiten hu pagkaen na duun kaw taena pangandam.”

Juan 11:16

Dayun si Tomas ha tagngaranan dan hu Saleping minikagi duun ku duma din ha mga tinun-an, “Dumiyà kuy en ta daw mangamatay kuy daan duma hu Manunudlù taw.”

Juan 14:22

Dayun nanginginsà si Judas ba kenà iyan si Judas Iscariote, “Ginuu, imbà nu tuyua ha iyan kay dà impakilala nu hu kaugalingen nu daw hurà nu sa mga etaw ha harì agtuu ikaw?”

Juan 18:17

Su bahi nanginginsà diyà ki Pedro, “Tinun-an ka ba daan tayana ha etaw?” Ba si Pedro tuminubag, “Kenà a.”

Juan 21:2

Naamul diyà si Simon Pedro daw si Tomas ha tagngaranan hu Saleping, si Natanael ha taga-Cana ha sakup ta Galilea daw sa daruwa ha batà hi Zebedeo, daw amin pa daan daruwa ha tinun-an hi Jesus.

Mga Buhat 12:17

Siningyasan sidan hi Pedro ha maghagteng sidan dayun inikagi din kandan ku pig-inu-inu hu Dios sa pagpaguwà kandin diyà ta prisuwan, daw inikagiyan din sidan ha tultulen dan haena diyà ki Santiago daw duun hu mga suled dan hu pagtuu. Dayun uminawà si Pedro diyà ta kandan daw duminuun hu lain ha banuwa.

Mga Buhat 15:13

Su makapenga en sidan umikagi, si Santiago uminikagi daan, “Mga suled, palilimani a inyu.

Mga Buhat 2:14

Huminitindeg si Pedro duma hu sampulù daw sabuwa ha apustulis daw minikagi hu madaging ha tagyanaen, “Sinyu sa duma ku ha Judio daw sa alan ha tagtimà iman dini ta Jerusalem, magpaliliman kaw.

Mga Buhat 2:38

Tuminubag si Pedro, “Alan kaw maghinulsul ta daw mapasaylu sa mga salà nuy daw magpabautismu kaw duun hu ngaran hi Cristo Jesus. Dayun maulinan kaw hu Balaan ha Ispiritu

Mga Buhat 20:8

Diyà ta latun taena ha balay ha duun kay mig-amul-amul inugsakan hu madakel ha mga sulù.

Mga Buhat 4:13

Su maahà hu mga agalen ha si Pedro daw si Juan harì gayed agkahaldek hu pag-ikagi nangabeleng sidan ta natun-an dan ha hurà haena makatunghà. Ba nahenhenaan dan ha nakagduma-duma haena ki Jesus.

Mga Buhat 4:19

Ba si Pedro daw si Juan tuminubag, “Henhenaa nuy ku hindu sa maayad. Iyan day ba tumanen sa inyu ha sugù daw ku iyan day ba sa sugù hu Dios?

1 Corinto 15:7

Migpaahà dà paman haena ki Santiago daw duun hu alan ha mga apustulis.

Galacia 1:19

Iyan dà daan naahà ku ha apustul si Santiago sa suled hi Jesus ha Ginuu.

Galacia 2:9

Si Santiago, si Pedro daw si Juan kinilala ha mga agalen, ba su matun-an dan en ha in-ila kanak hu Dios sa katenged ku nakigsabuwa sidan kanay ki Bernabe duun hu buluhaten hu Dios daw mig-uyun kay ha siak daw si Bernabe dumuun kay hu kenà mga Judio daw sidan dumuun daan hu mga Judio.

Santiago 1:1

Iyan a si Santiago ha suluguen hu Dios daw hi Cristo Jesus ha Ginuu sa migsulat taini. Kamusta kaw sinyu sa mga etaw hu Dios ha nakagsusuwayà duun hu bisan hindu.

2 Juan 1:1

Iyan a sabuwa ha agalen hu mga tumutuu sa migsulat taini. Sinulatan ku ikaw sa bahi ha pinilì hu Dios daw sa mga batà nu ha mga pinalanggà ku. Sa alan ha nakatuu hu kamatuuran tagpalanggà daan inyu

Judas 1:1

Iyan a si Judas ha suled hi Santiago daw suluguen daan hi Cristo Jesus, sa migsulat taini. Sinulatan ku inyu sinyu sa hinimu ha tumutuu hu Dios sa Amay taw. Pinalanggà kaw kandin daw binantayan kaw daan hi Cristo Jesus.