Mga Buhat 1:11 - Lalang Hu Dios

¹¹ daw minikagi, “Sinyu sa mga taga-Galilea, imbà kaw taghangadà diyà ta langit? Si Jesus ha luminigtu diyà ta langit aglikù dà asem dini ku malugay iling ha naahà nuy iman diyà tayà ha gabunan.”

Mga Buhat 1:11 ပူးပေါင်းရင်းမြစ်များ

Mateo 16:27

Siak sa Batà hu Etaw aglikù a dà dini ku malugay duma hu mga balinsuguen hu Dios daw magpangaluanlag a iling hu Dios ha Amay ku. Duun asem taena balesan din sa kada sabuwa sumalà hu mga binuhat dan.

Mateo 16:28

Laus gayed sa ag-ikagiyen ku inyu ha amin inyu tagtiyadeg dini iman ha harì pa matay na maahà ad en inyu ha Harì.”

Mateo 24:30

“Duun asem taena maahà diyà ta langit sa timaan ha pakauma ad en siak sa Batà hu Etaw daw maglugul sa alan ha kaet-etawan dini ta kalibutan. Maahà a ha magbulus diyà tayà ha gabunan ha magpangaluanlag daw maahà daan sa pagkagamhanan ku.

Mateo 25:31

“Siak sa Batà hu Etaw ku lumikù a dini ha tagpangaluanlag duma hu alan ha mga balinsuguen hu Dios minuu a duun hu trunu.

Marcos 13:26

“Duun asem taena siak sa Batà hu Etaw maahà a ha magbulus diyà tayà ha gabunan ha magpangaluanlag daw maahà daan sa pagkagamhanan ku.

Marcos 14:70

Ba miglimud en paman si Pedro. Su malugay-lugay inikagiyan si Pedro ku mga etaw ha tagtiyadeg diyà, “Duma ka gayed tayaa ta taga-Galilea ka man daan.”

Marcos 16:19

Su maiwas haena ikagiya hi Jesus luminigtu diyà ta langit daw pinuu duun hu kawanan hu Dios.

Lucas 21:27

Duun asem taena siak sa Batà hu Etaw maahà a ha magbulus diyà tayà ha gabunan ha magpangaluanlag daw maahà daan sa pagkagamhanan ku.

Lucas 24:5

Saena ha mga bahi luminuhud ha nakadunghuy ta nangahaldek, ba inikagiyan sidan ku mga maama, “Imbà nuy duun taini ha lebeng agpan-ahaa sa bubuhay ha etaw?

Juan 14:3

Ku mapengahan kud haena aglikù a dà dini daw agdumahen ku inyu duun hu tagtimaan ku ta daw bisan hindu a, duun kaw en daan.

Mga Buhat 1:2

payanaen en hu pagligtu din diyà ta langit. Seled hu kap-atan ha aldaw hu pagkabanhaw din madakel sa mga paagi ha impaahà din duun hu mga apustulis ha nabanhaw gayed daw tinudluan din daan sidan mahitenged hu pagharì hu Dios. Su hurà pa haena ligtu diyà ta langit, pinaagi hu Balaan ha Ispiritu tinudluan din su mga pinilì din ha mga apustulis hu igpabuhat din kandan.

Mga Buhat 1:9

Su maikagi din en haena sagunà luminigtu diyà ta langit. Su tag-ahaen dan haena tigkan dan nahanaw duun hu gabunan.

Mga Buhat 13:31

daw duun hu pila ha aldaw migpaahà taena ha namanduma kandin su anay ha napuun ta Galilea payanaen ta Jerusalem. Iyan daan sidan pakapanistigus iman mahitenged kandin duun hu kaet-etawan.

Mga Buhat 2:7

Aman nakaikagi sidan, “Dì ba alan man haini sidan taga-Galilea?

Mga Buhat 3:12

Su maahà hi Pedro su mga etaw inikagiyan din, “Sinyu sa mga duma ku ha kaliwat hi Israel, imbà nuy haini agkabelengi daw imbà kaw tag-ahaay dini ta kanay? Abi nuy gid ha pinaagi hu kanay ha pagkamatareng daw gahem sa impakahipanaw taini.

Mga Buhat 3:21

Ba saena diyà pa iman ta langit taman ha bag-uwen hu Dios sa alan sumalà hu inikagi hu mga prupita.

1 Tesalonica 1:10

daw tagsalapen nuy en daan ha lumikù dà dini sa Batà din ha si Jesus su binanhaw din ha iyan daan asem aglibri kanuy ku silutan hu Dios sa kaet-etawan.

1 Tesalonica 4:16

Ta asem ku mulus sa Ginuu ha puun diyà ta langit mapaliman sa pangumaw daw sa lageng hu labaw ha balinsuguen daw sa daging taena ha trumpita hu Dios. Saena ha namamatay en ha tumutuu diyà ki Cristo mangabanhaw

Hebreo 9:28

Iling daan taena si Cristo kasabuwa dà magpakamatay hu pagpamalas hu salà hu kaet-etawan. Ku lumikù asem haena sa tuyù din kenà en iyan sa pag-uwit duun hu krus hu salà hu kaet-etawan ba iyan en sa katumanan hu kaluwasan taena ha tagsalap kandin.

Impadayag 1:7

Timan-i nuy ha ku lumikù si Jesus diyà tayà ha gabunan maahà gayed hu alan-alan bisan haena sa migdughang kandin su anay. Duun asem taena maglugul gayed sa alan ha kaet-etawan dini ta kalibutan tumenged kandin. Matuman gayed haena.