Mateo 6:30 - Lalang Hu Dios

³⁰ Ku madagway sa kabuhata hu Dios hu mga sagbet ha laus dà agkangagangu daw bigsuli, iyan kaw pa kan harì mailahan hu bisti. Imbà man kaatiyuay tungkay sa pagsalig nuy hu Dios?

Mateo 6:30 ပူးပေါင်းရင်းမြစ်များ

Mateo 14:31

Sagunà haena inibitan hi Jesus daw ikagiyi, “Imbà ka man tagduwa-duwa? Harì ka ba diay agsalig kanak?”

Mateo 16:8

Ba saena natun-an hi Jesus aman inikagiyan din sidan, “Imbà kaw tag-ikagi ha hurà kaw makag-uwit hu supas? Harì kaw ba diay agsalig kanak?

Mateo 17:17

Minikagi si Jesus, “Sinyu ha mga etaw sa harì agtuu daw suminuway duun hu pagkamatareng, nalugay en sa pagduma-dumahà taw. Inu pa diay kalugay sa pag-angat ku ha tumuu kaw kanak? Uwita dini hayana sa batà.”

Mateo 8:26

Ba inikagiyan sidan hi Jesus, “Imbà kaw man agkangahaldek? Harì kaw ba diay agsalig kanak?” Dayun migbangun si Jesus daw baldenga sa kalamag daw mga baled aman sagunà migleneng.

Marcos 4:40

Inikagiyan din su mga tinun-an din, “Imbà kaw man agkangahaldek? Harì kaw ba diay agsalig kanak?”

Marcos 9:19

Minikagi si Jesus, “Sinyu ha mga etaw sa harì agtuu, nalugay en sa pagduma-dumahà taw. Inu pa diay kalugay sa pag-angat ku ha tumuu kaw en kanak? Uwita dini hayana sa batà.”

Lucas 12:28

Ku madagway sa kabuhata hu Dios hu mga sagbet ha laus dà agkangagangu daw bigsuli iyan kaw pa kan harì mailahan hu bisti. Imbà man kaatiyuay tungkay sa pagsalig nuy hu Dios?

Lucas 9:41

Minikagi si Jesus, “Sinyu ha mga etaw sa harì agtuu daw suminuway duun hu pagkamatareng, nalugay en sa pagduma-dumahà taw. Inu pa diay kalugay sa pag-angat ku ha tumuu kaw kanak?” Dayun inikagiyan din su amay, “Uwita dini sa batà nu.”

Juan 20:27

Dayun inikagiyan din daan si Tomas, “Ahaa daw tubluka nu sa alima ku daw tubluka nu daan sa kilid ku. Endai nud en sa pagduwa-duwa daw tuu kad en iman kanak.”

Hebreo 3:12

Mga suled, mag-andam kaw ha hurà madaet ha henà-henà duun hu bisan sabuwa inyu daw makasupak hu pagtuu, ta iyan haena ipakasuway nuy duun hu bubuhay ha Dios.

1 Pedro 1:24

Ta sa lalang hu Dios tagyanaen, “Sa untung hu etaw iling dà hu hilamunen daw sa kadagway din iling dà daan hu bulak. Sa hilamunen laus dà agkagangu daw sa mga bulak din agkangahulug dà,