Mateo 6:24 - Lalang Hu Dios

²⁴ “Harì gayed mabaluy ha sa etaw daruwa sa agalen din ta palanggaen din sa sabuwa ba sa sabuwa kuntrahen din, alimahan din sa sabuwa ba sa sabuwa ipatayà din. Sa etaw ha iyan din dà pinalanggà sa katigayunan din harì gayed mahimu ha palanggaen din daan sa Dios.

Mateo 6:24 ပူးပေါင်းရင်းမြစ်များ

Mateo 4:10

Ba si Jesus tuminubag, “Awà ka dini ta kanak, Satanas, ta sa lalang hu Dios nakasulat en ha tagyanaen, ‘Iyan dà sa Dios ha Magbabayà hu alan angayan ha simbahen daw alagaran.’”

Lucas 16:11

Aman ku harì kaw agkasaligan hu mga butang duun taini ha kalibutan harì daan isalig hu Dios inyu sa laus ha katigayunan diyà ta langit.

Lucas 16:13

“Harì gayed mabaluy ha sa etaw daruwa sa agalen din ta palanggaen din sa sabuwa ba sa sabuwa kuntrahen din, alimahan din sa sabuwa ba sa sabuwa ipatayà din. Sa etaw ha iyan din dà pinalanggà sa katigayunan din harì gayed mahimu ha mahalen din daan sa Dios.”

Lucas 16:9

Ikagiyen ku inyu ha gamita sa mga butang nuy hu pagbulig taena ha taglised ta daw asem ku malugay ha harì en magamit sa mga butang nuy amin gihapun bales inyu diyà ta langit.

Galacia 1:10

Harì nuy taghenhenaa ha iyan ku agkabayaan sa dayeen a hu mga etaw ta sa tuyù ku iyan sa Dios magdayè kanak. Kenà ku iyan tuyù ha mabayà-bayà sa mga etaw ta ku iyan pa hayan harì mahimu ha suluguen a hi Cristo.

1 Timoteo 6:17

Ikagiyi sa mga sapian ha harì sidan magpalabaw-labaw daw harì dan saligan sa mga katigayunan dan ta saena agkahanaw dà, ba iyan dan saligan sa Dios ha iyan tag-ila kanuy hu bisan inu ha makapalipay kanuy ta saena kalalagan gayed.

2 Timoteo 4:10

Ta inawaan a hi Demas tumenged ta babayaen taena sa kalibutanen ha mga butang aman duminiyà en ta Tesalonica. Si Crescente duminiyà ta prubinsya ta Galacia daw si Tito duminiyà daan ta Dalmacia.

Santiago 4:4

Kenà kaw gayed mga matinumanen ha etaw. Hurà nuy ba diay katun-i ha sa pagkababayaen hu kalibutanen iyan pakakuntra hu Dios? Ta bisan sin-u haena sa iyan din igpalabi sa kalibutanen agkabuhat ha kuntra hu Dios.