Mateo 5:28 - Lalang Hu Dios

²⁸ Ba ikagiyen ku inyu ha bisan bà dà kaayati hu maama sa bisan sin-u ha bahi saena ha maama nakapanapaw en.

Mateo 5:28 ပူးပေါင်းရင်းမြစ်များ

Mateo 15:19

Ta duun hu gahinawa agkapuun sa madaet ha henà-henà, sa pagpangimatay daw sa pagpanapaw, sa pagbuhat hu malaw-ay daw sa pagpanakaw, sa pagbutang-butang daw sa pagdaet hu dengeg.

Mateo 5:22

Ba ikagiyen ku inyu ha bisan sin-u sa bà din dà agkapauki sa duma din mahukuman en daan haena hu silut. Sa tagpaamaniyan din sa duma din makapanubag duun hu alan ha mga labaw ha agalen. Daw bisan sin-u sa mag-ikagi duun hu duma din, ‘Buang-buang ka’ saena ha tag-ikagi taghipanaw duun hu dalan payanaen ta Impirnu.

Mateo 5:39

Ba ikagiyen ku inyu ha harì nuy gayed sukulan sa tagpasipala inyu. Ku amin etaw ha laparuwen din sa kawanan ha pipi nuy ipalaparu daan sa dibaluy.

Roma 7:14

Natun-an taw ha sa Kasuguan duun napuun hu Balaan ha Ispiritu, ba tumenged ta etaw a dà agpakasalà a gihapun ta naulipen a taena.

2 Pedro 2:14

Iyan dan dà taghenhenaen sa pagbuhat hu madaet duun hu bisan sin-u ha bahi ha agkaahà dan daw harì sidan pakatigel pagbuhat hu salà. Aglimbungan dan sa etaw ha maluya pa sa pagtuu din daw iyan en batasan dan sa pagkaagapan. Ba agsilutan gayed sidan hu Dios.

1 Juan 2:16

Ta iyan haini batasan dini ta kalibutan sa pagkababayaen hu bisan inu ha madaet, sa kaayat hu bisan inu ha agkaahà, sa pagpagalbu hu kaugalingen daw katigayunan. Saini kenà kandin hu Dios ha Amay taw ba kandin dà ta kalibutan.