Mateo 27:42 - Lalang Hu Dios

⁴² “Aglibriyen din man gid sa duma ha mga etaw ba sa kandin ha kaugalingen harì din agkalibri. Ahaen taw hayana sa Harì hu mga kaliwatan hi Israel ku lumugnà ba iman duun tayan ha krus daw makatuu kuy kandin.

Mateo 27:42 ပူးပေါင်းရင်းမြစ်များ

Mateo 2:2

Nanginginsà sidan, “Hindu haena imbatà sa Harì hu mga Judio? Ta naahà day sa bituen diyà ta sinibwalan ha iyan timaan hu kabataa kandin aman duminini kay hu pagsimba kandin.”

Mateo 27:37

Sa sampaw ta ulu din sinulatan hu sumbung mahitenged kandin ha tagyanaen, “Iyan haini si Jesus ha Harì hu mga Judio.”

Mateo 27:40

“Kagi nu man ha agkagasen nu sa Timplu ta agbalayen nu dà duun hu tatulu ha aldaw. Ku laus ka ha Batà hu Dios libriya sa kaugalingen nu daw lugnà ka duun tayan ha krus.”

Mateo 27:41

Iling daan taena sa pagtameyes hu mga labaw ha sinaligan hu paghalad daw hu mga manunudlù hu Kasuguan daw mga magulang, kagi dan,

Marcos 15:31

Iling daan taena sa pagpasipala hu mga labaw ha sinaligan hu paghalad daw hu mga manunudlù hu Kasuguan, “Aglibriyen din man gid sa duma ha mga etaw ba sa kandin ha kaugalingen harì din agkalibri.

Marcos 15:32

Ahaen taw hayana sa Misiyas ha iyan Harì hu mga kaliwatan hi Israel ku lumugnà ba iman duun tayan ha krus ta daw makatuu kuy kandin.” Saena ha mga tulisan ha inlansang duma kandin migpasipala en daan kandin.

Lucas 19:38

“Panalanginan gayed sa Harì ha nakauma ha sinugù hu Dios. Malinawen iman sa pagdapità hu Dios daw hu mga etaw aman dayeen gayed sa Dios diyà ta langit.”

Lucas 23:35

Madakel ha mga etaw sa tag-ahà ki Jesus ba sa mga agalen migtameyes kandin hu kagi dan, “Aglibriyen din man gid sa duma ha mga etaw aman ahaen taw ku malibri din ba sa kaugalingen din ta iyan en man gid su Misiyas sa Harì ha pinilì hu Dios.”

Lucas 23:37

daw ikagiyi, “Ku Harì ka man hu mga Judio libriya sa kaugalingen nu.”

Juan 1:49

Dayun uminikagi si Natanael, “Manunudlù, iyan ka gayed Batà hu Dios. Iyan ka haena sa tagsalapen day ha magharì hu mga kaliwatan hi Israel.”

Juan 12:13

Aman tuminalagbù sidan kandin daw mig-uwit sidan hu mga palwa hu pagdayè kandin daw namangulahì sidan, “Dayeen gayed sa Dios. Panalanginan haini sa nakauma ha sinugù hu Dios. Panalanginan sa Harì hu mga kaliwatan hi Israel.”

Juan 12:47

“Ku amin etaw ha nakapaliman hu lalang ku ba harì magtuman taena harì ku pa iman haena mahukuman, ta sa pagdini ku iman ta kalibutan kenà pa iyan sa paghukum ba iyan sa pagluwas hu kaet-etawan.

Juan 9:24

Inisab en paman inumaw ku mga agalen su nakaindan daw ikagiyi, “Isaad nu duun hu Dios ha harì ka gayed magbidù ta natun-an day en ha sa migbulung ikaw masinupaken ha etaw.”

Mga Buhat 4:14

Tumenged ta naahà dan en su naulian ha taghitindeg daan duma ki Pedro daw ki Juan hurà dan en gayed agkaikagi.