Mateo 27:22 - Lalang Hu Dios

²² Nanginginsà dà paman si Pilato, “In-inuwen ku diay si Jesus sa tagngaranan daan ki Cristo?” Alan sidan tuminubag, “Ilansang hayana duun hu krus.”

Mateo 27:22 ပူးပေါင်းရင်းမြစ်များ

Mateo 1:16

Si Jacob amay hi Jose ha iyan asawa hi Maria ha inay hi Jesus. Si Jesus iyan tagngaranan ki Cristo.

Mateo 27:17

Aman su maamul-amul en sa mga etaw ininsaan sidan hi Pilato, “Sin-u sa agkabayaan nuy ha libriyen ku? Iyan ba si Barabas daw ku iyan ba si Jesus sa tagngaranan daan ki Cristo?”

Mateo 27:21

Minisab nanginginsà su gubirnadur, “Sin-u duun taini ha daruwa sa agkabayaan nuy ha libriyen ku?” Sa mga etaw tuminubag, “Iyan si Barabas.”

Mateo 27:23

Ba minikagi si Pilato, “Imbà nuy igpalansang hayana? Inu diay sa nabuhat din ha madaet?” Ba bà dà nasì uminiseg sa kulahì hu mga etaw, “Ilansang hayana.”

Marcos 14:55

Sa mga labaw ha sinaligan hu paghalad daw sa alan ha duma dan ha mga labaw ha agalen hu mga Judio nan-ahà gayed hu mga katarengan ta daw mahimatayan dan si Jesus, ba hurà dan gayed agkaahà.

Juan 4:25

Tuminubag su bahi, “Natun-an ku ha makauma ku malugay sa Misiyas ha tagngaranan daan ki Cristo. Ku makauma en haena isaysay din kanuy sa alan.”

Mga Buhat 13:28

Bisan pa ku hurà dan naahà ha salà taena ha angayan hu kamatayen ba hinangyù dan diyà ki Pilato ha pahimatayan din.

Mga Buhat 13:38

Aman mga suled, agkabayaan day ha matun-an nuy ha pinaagi ki Jesus igtultul iman inyu sa ikapasaylu hu mga salà nuy.