Mateo 27:19 - Lalang Hu Dios

¹⁹ Su duun en si Pilato taena ha pinun-ayà hu maghuhukum nakauma daan sa sulat hu asawa din ha tagyanaen, “Harì ka maglabet-labet taini ha etaw ha hurà din salà ta ganina ha daleman mig-antus a hu damugu ku mahitenged kandin.”

Mateo 27:19 ပူးပေါင်းရင်းမြစ်များ

Mateo 1:20

Ba su taghenhenaayen hi Jose haena huminiwal diyà ta kandin sa balinsuguen hu Dios pinaagi hu damugu ha tagyanaen, “Jose sa kaliwat hi David, harì ka tagduwa-duwa hu pagpangasawa ki Maria ta sa igkabedes din pinaagi dà hu Balaan ha Ispiritu.

Mateo 2:19

Su matay en si Herodes ha diyà pa si Jose ta Ehipto huminiwal dà paman sa balinsuguen hu Dios diyà ta kandin pinaagi hu damugu ha tagyanaen, “Bangun kad, dumaha su batà daw sa inay din daw likù kaw en diyà ta bugtà ta Israel ta minatay en su aghimatay tayana ha batà.”

Mateo 2:22

Ba su matun-an hi Jose ha iyan nakailis si Arkelao ki Amay din ha harì diyà ta prubinsya ta Judea nahaldek haena hu pagdiyà. Aman impadamugu kandin hu Dios ha dumayun sidan diyà ta prubinsya ta Galilea,

Mateo 27:18

Natun-an hi Pilato ha si Jesus intugyan hu mga agalen diyà ta kandin tumenged hu kasina dan kandin.

Mateo 27:24

Su matun-an hi Pilato ha hurà en pulus hu pag-ikagiyà din ta agkagubut en sa mga etaw tuminimù haena hu wahig daw henawi sa alima din duun hu atubangan taena ha mga etaw hu kagi din, “Inyu en haini ha salà aman sa langesa taini ha etaw diyan en ta alima nuy ta nangenaw ad en hu kanak.”

Mateo 27:4

daw minikagi, “Nakasalà a gayed ta piglimbungan ku sa etaw ha hurà din salà.” Ba saena ha mga agalen tuminubag, “Hurà day en labet ta ikaw dà hayana ha kasamuk.”

Lucas 23:41

Sikit sa daruwa angayan ha silutan ta laus ha nakasalà ki ba hurà gayed salà taini ha duma ta.”

Lucas 23:47

Su maahà ku kapitan hu mga sundalu sa nahitabù dinayè din sa Dios, “Laus gayed ha saini ha etaw hurà din salà.”

Juan 19:13

Su mapaliman haena hi Pilato inuwit din si Jesus duun hu lugar ha tagngaranan hu Sinaegan hu Batu ha duun hu Hebreo ha inikagiyan saena Gabata. Dayun mininuu si Pilato duun taena ha pinun-ayà hu maghuhukum.

Mga Buhat 12:21

Su mauma sa aldaw ha iyan natugun ha maghusayà sidan migbisti si Herodes hu harianen ha bisti daw migpinuu duun hu trunu din daw minikagi duun hu atubangan dan.

Mga Buhat 18:12

Ba su iyan en paman gubirnadur ta Acaya si Galio sa mga Judio migsabuwa hu pagdakep ki Pablo daw inuwit dan haena duun hu hukmanan.

Mga Buhat 18:16

Aman impaawà din sidan duun taena ha hukmanan.

Mga Buhat 18:17

Dayun dinakep dan si Sostenes sa agalen duun taena ha simbahan daw pagbunalai duun hu atubangan ku hukmanan. Ba si Galio hurà en maglabet-labet kandan.

Mga Buhat 25:10

Si Pablo tuminubag, “Taini ad iman ta atubangan nu sikaw sa maghuhukum ha sinugù hi Cesar aman kinahanglan ha dini a dà hukumi. Natun-an nud en ha hurà ku nabuhat ha salà duun hu mga Judio.

Mga Buhat 25:17

Aman su makadini en sidan ta Cesarea hurà a magyawat ta su isab ha aldaw mininuu a dayun duun hu hukmanan daw ipaatubang kanak haena sa prisu.

Mga Buhat 25:6

Su maiwas sa subra ha nangkasimana luminikù si Festo diyà ta Cesarea. Su maisab ha aldaw mininuu duun hu hukmanan daw ipaatubang si Pablo.

1 Pedro 2:22

Saena hurà gayed makasalà daw hurà daan magbidù.

1 Juan 2:1

Pinalanggà ku ha mga batà, insulat ku haini diyan ta inyu ta daw harì kaw en makasalà. Ba ku amin inyu makasalà amin taghusay taena duun hu Dios ha Amay taw. Saena iyan si Cristo Jesus sa matareng gayed