Mateo 25:41 - Lalang Hu Dios

⁴¹ “Dayun ikagiyan ku daan sa mga etaw ha dini dapit ta gibang ku, ‘Sinyu sa hinukuman en hu Dios, paman-awà kaw dini daw duun kaw hu hapuy ha harì en gayed agkapedengan ha intagana ki Satanas daw hu mga ginsakupan din.

Mateo 25:41 ပူးပေါင်းရင်းမြစ်များ

Mateo 13:40

“Iling hu hilamunen ha agsakemen daw bigsuli iyan daan haena maul-ulahan hu katapusan hu panahun.

Mateo 13:42

daw ipanlambeg sidan diyà ta Impirnu ha duun sidan makag-ulahuay hu kalugul daw magkakangget sa mga ngipen dan hu kasakitan.

Mateo 13:50

daw ipanlambeg sa madaet diyà ta Impirnu ha duun sidan makag-ulahuay hu kalugul daw magkakangget sa mga ngipen dan hu kasakitan.”

Mateo 18:8

Ku iyan igpakasalà nuy sa alima nuy daw sa paa nuy tampeda en haena daw ilambeg. Maayad pa ku pungkul kaw ba amin nuy kinabuhì ha hurà din katapusan dì sa daruwa sa alima nuy daw sa paa nuy ba ilambeg kaw diyà ta Impirnu ha duun sa hapuy ha harì en agkapedengan.

Mateo 25:42

Ta nauhul a ba hurà a inyu ipakaen daw nalauwan a ba hurà a inyu ipainum.

Mateo 25:46

“Dayun saena ha mga etaw ilambeg diyà ta Impirnu daw silutan hu hurà din katapusan, ba sa matareng mailahan hu kinabuhì ha hurà din katapusan.”

Mateo 3:12

Agkailing haena hu taggunas ha sa malinggas iyan din igtagù duun hu bugawan, ba sa ukap agbigsulan ha harì en mapedengan.”

Mateo 4:10

Ba si Jesus tuminubag, “Awà ka dini ta kanak, Satanas, ta sa lalang hu Dios nakasulat en ha tagyanaen, ‘Iyan dà sa Dios ha Magbabayà hu alan angayan ha simbahen daw alagaran.’”

Mateo 5:22

Ba ikagiyen ku inyu ha bisan sin-u sa bà din dà agkapauki sa duma din mahukuman en daan haena hu silut. Sa tagpaamaniyan din sa duma din makapanubag duun hu alan ha mga labaw ha agalen. Daw bisan sin-u sa mag-ikagi duun hu duma din, ‘Buang-buang ka’ saena ha tag-ikagi taghipanaw duun hu dalan payanaen ta Impirnu.

Mateo 7:23

Ba bà ku dà sidan ikagiyi, ‘Harì ku inyu agkakilala aman paman-awà kaw dini ta kanak sinyu sa mga madaet sa buhat din.’

Lucas 13:27

“Ba ikagiyan kaw kandin, ‘Harì ku gayed inyu agkakilala daw harì ku daan agkatun-an ku hindu kaw duun nangapuun. Aman awà kaw dini ta kanak sinyu sa alan ha mga madaet sa buhat dan.’

Lucas 16:24

Aman nangumaw haena, ‘Amay ku ha Abraham, kahid-uwi a ikaw daw sugua si Lazaro ha iteleb din sa tuldù din duun hu wahig daw ipatulù ta bàbà ku ta tag-antus a gayed dini taini ha hapuy.’

Juan 8:44

Sa amay nuy iyan si Satanas aman agkabayaan nuy agtumana sa kandin ha pagbayà. Sugud dà su anay talamunù en si Satanas. Hurà din labet hu kamatuuran daw pulus en bidù sa tagsubayen din. Iyan en kinaiya din sa biduen daw diyà agkapuun ta kandin sa alan ha mga bidù.

2 Tesalonica 1:7

ba sikuy sa mga tag-antus iman ipahimlay kuy dà asem kandin ku lumikù si Jesus ha Ginuu ha tagpangaluanlag duma hu mga gamhanan ha balinsuguen din.

2 Tesalonica 1:9

Sa igsilut kandan iyan sa hurà din katapusan ha mga alantusen makasuway daan sidan duun hu Ginuu daw duun hu pagkagamhanan din.

Hebreo 6:8

Ba sa bugtà ha iyan dà tumubù duun sa hilamunen daw sampinit hurà taena pulus aman maendaan haena.

2 Pedro 2:4

Ta bisan sa mga balinsuguen hu Dios ha nakasalà su anay hurà bà dà ipatayà hu Dios ba inlambeg sidan duun hu tungkay gayed madalem ha bitu. Didiyà pa iman sidan ha kinadinahan duun hu kasukileman ha tag-angat hu Aldaw hu Paghukum.

1 Juan 3:10

Iyan haini timaan ku sin-u sa batà hu Dios daw ku sin-u daan sa sakup hi Satanas ta bisan sin-u sa tagbuhat hu matareng daw tagpalanggà hu mga duma din iyan gayed haena batà hu Dios.